ايساريدے، که د غرونو او د اوسپنې پۀ شان ډيره سخته وے نو بيا هم زمونږه دلته پاتې کيدل ګران وو ٭ الله پاک زمکه ډيره ګرمه هم پيدا نۀ کړه او ډيره زياته يخه يـې هم پيدا نۀ کړه، که زمکه ډيره ګرمه وے نو مونږ به د ګرم والي پۀ وجه مړۀ کيدو، که ډيره زياته يخني وے نو مونږ به د يخنۍ د لاسه مړۀ کيدو ٭ زمکه يـې د بسترې پۀ شان هواره جوړه کړه، که دا زمکه د ديوال پۀ شان وه نو مونږه به دلته څنګه پاتې کيدو ٭ اِمامِ غزالي  رَحْمَةُ اللهِ عَلَيْه  فرمائي: الله پاک زمکه د شمال طرف نه اوچته او د جنوب طرف نه ښکته جوړه کړې ده، پۀ دې باندې پۀ زمکه کښې اُترائي]ښکته والے[ پيدا شو، که داسې نۀ وے نو چې څومره باران به کيدو، ټولې اوبۀ به پۀ زمکه باندې ايساريدې، ټوله زمکه به د اوبو نه ډکيدله او دلته به ژوند تيرول ممکن نۀ وو، دا د رَبِّ کريم کمال حِکمت دے،چي زمکه کښييـې اُترائي ]ښکته والے[ جوړ کړو، پۀ کومې چې اوبه بهيږي او سمندر ته غورځيږي ٭ هُم داسې پۀ زمکه کښې د جذب کيدو صلاحيت کيښودے شو، زمکه هر يو څيز پۀ ځان کښې جذب کوي، که تاسو ليدلي وي نو چې چرته ځناور مړ شي نو سخت بد بوئي کوي، بيا پۀ ورو ورو د زمکې بيکټيريا هٰغه ځناور خوري او بد بوئي ختميږي، اندازه ولګوئ چې د شروع نه تر اوسه پورې به څومره ځناور مړۀ شوي وي، اوس هم پۀ زرګونو مړۀ کيږي، که پۀ زمکه کښې دا د جذب کيدو صلاحيت نۀ وے، د زمکې دې بيکټيريا مړۀ شوي ځناور نۀ خوړل نو ټوله دُنيا به څومره پۀ مشقت کښې وه؟ دلته به ژوند تيرول څومره ګران وو خو قربان شم! الله پاک د ډيرو قدرتونو والا دے، د ډيرو حکمتونو والا دے، پۀ دې دُنيا کښې چې د کومو کومو حکمتونو خيال ساتلے شوے دے، زمونږه سوچ هم هغې ته نشي رسيدے، بيا ووايئ چې دا کافران او مشرکان چې کوم څيزونه خدايان مني، کومو ته چې سجدې کوي، پۀ هغوئي کښې داسې يو هم شته چې داسې زمکه جوړه کړي؟ نشته، بالکل نشته، هم دا يو رښتونے حقيقي خالِق دے، هغه زمکه جوړه کړې، هغۀ اسمان جوړ کړے۔ ^([1])