کړۀ ٭ صرف هم هٰغه يو خُدائے د عبادت لائق دے ٭ ځکه اے خلقو! صرف او صرف هم د هٰغه رَبِّ کريم عبادت کوئ! ٭ او دا هم ياد ساتئ چې د دې عبادت فائده به الله پاک ته نۀ وي چې هغه خو بے نيازه دے بلکې د عبادت فائده به هم تاسو ته وي چې ستاسو د تقویٰ پۀ شان بے بها دولت نصيب شي۔

اوس دا آيت مبارک کوم چې زمونږه ننۍ موضوع ده، پۀ دې کښې د الله پاک د يو والي  او صرف د هٰغه يو رښتوني خُدائے د عبادت لائق کيدو يو څو نور دليلونه ذِکر کړے شوي دي۔ نو اِرشاد دے:

الَّذِیْ جَعَلَ لَكُمُ الْاَرْضَ فِرَاشًا وَّ السَّمَآءَ بِنَآءً۪-وَّ اَنْزَلَ مِنَ السَّمَآءِ مَآءً فَاَخْرَ جَ بِهٖ مِنَ الثَّمَرٰتِ رِزْقًا لَّكُمْۚ-فَلَا تَجْعَلُوْا لِلّٰهِ اَنْدَادًا وَّ اَنْتُمْ تَعْلَمُوْنَ(۲۲) (پارہ:1، سورۀ البقرہ:22)            

ترجمهٴ کنزُ العِرفان: چا چې ستاسو د پاره زمکه بستره او اسمان چت جوړ کړو، او هغۀ د اسمان نه اوبۀ را او ورولې بيا يـې د هٰغه اوبو پۀ ذريعه ستاسو د خوراک د پاره ډيرې ميوې پيدا کړې نو تاسو د پوهيدلو باوجود الله سره شريکان مۀ جوړوئ۔

يعنې اے خلقو! لږ غور خو وکړئ! يو الله پاک، رښتونے خُدائے ٭ حقيقي خُدائے هم هغۀ خو دے کوم چې تاسو پيدا کړئ ٭ ستاسو پلار نيکونه يـې هم پيدا کړۀ، صرف  دومره نۀ، د کرم د پاڅه کرم يـې وفرمائيلو ٭ پۀ اِحسان پسې اِحسان يـې دا وفرمائيلو چې ستاسو د ژوند د پاره يـې قِسما قِسم نعمتونه هم عطا کړل ٭ هم هغه خدائے دے چا چي زمکه ستاسو دپاره بستره جوړه کړه ،اسمان يـې ستاسو د پاره چت جوړ کړو ٭ هم هغه باران وکړو ٭ هغۀ د زمکې نه ميوې، ګلونه، بوټي، سبزيانې وغيره رازرغونې کړې، دا هر څۀ د چا د پاره؟ صرف ستاسو د پاره چې تاسو پۀ زمکه کښي ګرځئ راګرځئ، دلته استوګنه اختيار کړئ! د ميوو، ګلونو، بوټو وغيره نه طاقت حاصلوئ! ٭ غرض دا چې رَبِّ کائنات تاسو د يو څاڅکي نه اِنسان هم جوړ کړئ، تاسو ته يـې ژوند هم درعطا کړو ٭ بيا