خاص کار د پاره چرته وليږي او تۀ پۀ لاره کښې نور ډير کارونه وکړې خو هٰغه خاص کار د کوم د پاره چې بادشاه ليږلے يـې هٰغه کار هير کړې نو آيا بادشاه به ستا نه خوشحاله شي؟ هيڅکله هم نۀ، بس ځکه که پۀ دُنيا کښې انسان هر يو کار هيروي نو هير دې يـې کړي خو يو کار دے کوم چې هيڅکله هم نۀ دي هيرول پکار او هٰغه يو کار څۀ دے؟ د الله پاک عبادت کول۔ کۀ تۀ ووائې چې زۀ دا يو کار (يعنې عبادت) نۀ کووم نو نۀ سهي خو نور ډير کارونه خو کووم، ياد ساتۀ چې انسان د نورو کارونو د پاره دُنيا ته نۀ دے راغلے، دا خو داسې ده چې تۀ ډيره قيمتي د اوسپنې نايابه توره کومه چې صرف پۀ شاهي خزانو کښې ميلاؤيږي، حاصله کړې او د هغي نه د غوښې پرې کولو چاړه جوړه کړې او ووائې چې ما دا بے کاره نۀ ده ساتلې۔ آيا دا د افسوس مقام نۀ دے؟ د غوښې پرې کولو د پاره خو معمولي چاړه هم اِستعماليدے شي، دې د پاره د دومره قيمتي تورې استعمالول آيا د عقل خبره ده۔۔۔؟ اے انسانه! الله پاک ستا ډير لوئي قيمت ايښودے دے۔ ارشاد دے:

اِنَّ اللّٰهَ اشْتَرٰى مِنَ الْمُؤْمِنِیْنَ اَنْفُسَهُمْ وَ اَمْوَالَهُمْ بِاَنَّ لَهُمُ الْجَنَّةَؕ      ؕ(پارہ:11، سورۀ التوبة :111)

ترجمهٴ کنزُ العِرفان: بے شکہ اللہ د مسلمانانو نه د هغوئي ځانونه او د هغوئي مالونه پۀ دې بدله کښې پۀ بيعه واخستل چې د هغوئي د پاره جَنَّت دے۔

وګوره! الله پاک تۀ، ستا وخت، ستا ځان، ستا مال او کاروبار اخستي دي چې دا څيزونه د هغۀ پۀ لاره کښې خرچ کړې نو ستا د پاره هميشه پاتې کيدونکے جنَّت دے، د الله پاک سره ستا دومره قيمت دے، که ځان د دوزخ پۀ بدله خرڅ کړې نو پۀ خپل ځان باندې ظُلم کوونکے يـې۔ ^([1])

فرشتوں سے بہتر ہے انسان بننا     مگر اس میں لگتی ہے محنت زیادہ