ساتي، ولې۔۔۔؟ د پاره د دې چې هغۀ ته څوک څۀ نقصان اونۀ رسوي۔ څۀ مو خيال دے؟ دا سيکيورټي ګارډز هغوئي د نقصان نه بچ کولے شي؟ نۀ يـې شي بچ کولے۔ اِذَا جَاءَ التَّقْدِیْر ُ فَاتَ التَّدْبِیْرُ چې کله تقدير غالِب شي نو تدبيرونه ټول بے کاره شي۔ خو بيا هم سيکيورټي ګارډز ساتلے کيږي۔

پۀ مونږ کښې هر يو کَس ته سيکيورټي تهريډز شته او دومره خطرناک تهريډز دي چې پۀ دې کښې د ځان نۀ بلکې د ايمان خطره ده۔ دښمن داسې چالاکه او هوښياردے، داسې د خطرناکې منصوبې جوړولو والا دے چې د الله پاک پناه۔۔۔!! او هٰغه دښمن چرته دے: زمونږ پۀ رګونو کښې د وينې پۀ شان ګرځي۔ اوس ووايئ چې د داسې خطرناک دښمن خلاف مونږ ته د څومره سيکيورټي ضرورت دے۔ چې د ځان د بچ کولو د پاره خلق پۀ زرګونو بلکې پۀ لکونو روپۍ لګوي او سيکيورټي حاصلوي نو مونږ د داسې خطرناک دښمن نه د خپل ځان نۀ بلکې د ايمان د بچ کولو د پاره سيکيورټي ولې نۀ حاصلوو۔

اوس به تاسو وايئ چې دا سيکيورټي به چرته ميلاؤيږي؟ څنګه به ميلاؤيږي؟ څومره خرچه به پرې راځي؟ ډيره اسانه طريقه ده۔ قربان شم! زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د عطا نه، زمونږ د حفاظت يـې ټول بندوبست فرمائيلے دے۔ پۀ حديثِ پاک کښې دي: نبي کريم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: کوم کَس چې روزانه 10 کرته د شيطان مَردُود نه د الله پاک پناه غواړي (مثلاً اَعُوذُ بِالله لولي)، الله پاک به د هغۀ سره يوه فرښته مقرر کړي، کومه چې به شيطان د هغۀ نه لرې زغلوي۔^([1])

اِمامِ حَسَن بصري رَحْمَةُ اللهِ عَلَيْه فرمائي: چې کله بنده د زړۀ پۀ حاضرۍ (يعنې معنې ته پۀ سوچ کولو) اَعُوْذُ باللہ لولي نو الله پاک د بنده او د شيطان پۀ مينځ کښې 300 پردې جوړوي ۔^([2])