Book Name:اعوذ باللہ Parhnay Ke Fazail
کوم چې مونږه د دې مردود نه بچ کولے شي۔ چې کله مونږ د الله پاک پۀ پناه کښې راشو نو بيا د شيطان څۀ حال وي، دا هم واورئ!
حضرت زُبَير بن عَوَّام رَضِىَ اللهُ عَـنْهُ صحابئ رسول دے، د مسلمانانو د وړومبي خليفه حضرت ابو بکر صِدِّيق رَضِىَ اللهُ عَـنْهُ ځوم دے، ډيره د اوچتې مرتبې والا هستي ده، هغوئي هم پۀ عَشْرَہ مُبَشَّرَہ کښې شميرلے کيږي۔ عَشْرَہ مُبَشَّرَہ هٰغه 10 صحابۀ کرامو عَليهمُ الرّضوَان ته وئيلے شي، کومو ته چې حُضُورِ اکرم صَلَّى اللهُ عَلَيْهِ وَاٰلِهٖ وَسَلَّم د جنَّت زيرے ورکړے وو۔ هسې خو ټول صحابۀ کرام عَليهمُ الرّضوَان جنتيان دي خو دې 10 ته د جنَّت زيرے ميلاؤيدل، د دوئي خصوصي شان دے۔ خير! زُبير بن عَوَّام رَضِىَ اللهُ عَـنْهُ فرمائي: يوه ورځ زۀ پۀ مسجدِ نبوي شريف کښې ناست ووم او د الله پاک ذِکر مې کولو، ناڅاپه زما ښي غوږ ته اواز راغلو: اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہٗ!
ما چې مخ ور واړولو نو هلته څوک هم نۀ وو۔ زۀ لږ شان ويريدم چې سلام چا وکړو۔ پۀ دې کښې اواز راغلو: مۀ ويرږه، زۀ مسلمان پيرے يم۔ د يو سوال د پوښتنې د پاره حاضر شوے يم۔ اوئې فرمائيل: پوښتنه وکړه څۀ پوښتنه ده۔ پيري ووئيل: زۀ د شيطان پۀ مجلس کښې ووم، شيطان د خپل لښکر جائزه اخسته۔ پۀ دې کښې هلته د شيطان يو تابعدار ملګرے راغلو، د هغۀ رنګ تَک تور شوے وو، حالت يـې هم ډير خراب وو، پۀ شيطانانو کښې د هغۀ نه د بد حال والا بَل څوک نۀ وو۔ شيطان د هغۀ نه پوښتنه وکړه: چا ستا دا حالت کړے دے؟ او پۀ کوم کَس باندې چې ما تۀ مسلط کړے وې، د هغۀ څۀ وشو۔۔۔؟ د شيطان تابعدار ملګري ووئيل: هٰغه کَس ما قابو نۀ کړے شو۔ شيطان پۀ زوره چغه کړه: خانه خرابه، ولې دې قابو نۀ کړے شو۔ هٰغه تابعداره ملګري يـې ووئيل: هٰغه کَس څۀ کلمات لولي۔ شيطان پوښتنه وکړه: د هغۀ نوم ووايۀ! هغۀ ووئيل: زبير بن عوَّام۔