خوږو او محترمو اِسلامي وروڼو! شيطان ډير خَبِيث دښمن دے۔ د اِنسان سره دښمني کول، پۀ يو حال کښې هم د اِنسان سره دوستي نۀ کول د شيطان پۀ فِطرت کښې شامل دي۔ د دې خَبِيث بس هم يو مِشن دے، هغه دا چې څنګه هم کيدے شي اِنسان د دوزخ حقدار جوړ کړے شي۔ ځکه زمونږ نجات پۀ دې کښې دے چې مونږ د شيطان خَبِيث سره دښمني وکړو او مونږ هيڅکله هم د دۀ پۀ قابو کښې را نۀ شو۔

ګنې نو هلاک به شې

حضرت يحیٰ بن مُعَاذ رازي رَحْمَةُ اللهِ عَلَيْه فرمائي: شيطان فارِغ دے، تۀ مصروف يـې، شيطان تا ويني، تۀ هغه نۀ وينې، تۀ هغه هيروې، هغه تا نۀ هيروي، پۀ تا کښې دننه د هغه جاسوسان موجود دي، بس دا لازمي ده چې تۀ د شيطان سره جنګ وکړې! ګنې نو د هلاکت نه به محفوظ پاتې نۀ شې۔^([1])

د الله پاک پۀ پناه کښې راشئ۔۔۔!!

خوږو او محترمو اِسلامي وروڼو! شيطان واقعي چې ډير خطرناک دښمن دے، دا هٰغه خَبِيث دے، کوم چې ژوند ته نقصان نۀ رسوي، د اِيمان نه خلاصول کوي او هميشه د پاره د دوزخ حقدار جوړول کوي۔ ځکه سعادت مند هغۀ دے کوم چې د دې خَبِيث سره دښمني وکړي او د دۀ د چلونو نه هميشه د بچ کيدو کوشش کوي۔

اوس پوښتنه دا ده چې د دې خَبِيث نه به څنګه بچ کيږې؟ آيت مبارک واورئ! الله پاک فرمائي:

وَ اِمَّا یَنْزَغَنَّكَ مِنَ الشَّیْطٰنِ نَزْغٌ فَاسْتَعِذْ بِاللّٰهِؕ-اِنَّهٗ هُوَ السَّمِیْعُ الْعَلِیْمُ(۳۶) (پارہ:24، سورۀ حم السجدة:36)

ترجمهٴ کنزُ العِرفان: او که چرې د شيطان د طرف نه تاته څه وسوسه راشي تو د الله پناه  وغواړه  بے شکه هُم هغه اوريدونکے او علم والا دے