درنه ګڼلے کيږي ٭ د پيشو د ژړا اواز سپيرۀ ګڼلے کيږي ٭ که بانګي د ورځې بانګ وکړي نو پۀ بد فالۍ کښې اخته کيږي تر دې پورې چې هغه ذبح کوي ٭ که د دکان نه وړومبے ګاهک بغير د سودا اخستو نه لاړ شي نو دکاندار د دې نه بد فالي اخلي ٭ د نوې ناوې کور ته پۀ راتلو که څۀ بده پيښه وشي نو هٰغه ناوې سپيرۀ ګڼلے کيږي ٭ پۀ ځوانۍ کښې کونډه شوې زنانه سپيرۀ ګڼلے کيږي ٭ خالي قينچي چلول  سپيرۀ ګڼلے کيږي      ٭ د نمر د تندر نيولو پۀ وخت دې حامله زنانه پۀ چاړه باندې څۀ نۀ پرې کوي چې ماشوم يـې پيدا شي نو د هغۀ لاس يا ښپه به کټ وي ٭ ډير وهميان خلق د صفرې مياشت د مصيبتونو او افتونو مياشت ګڼي ٭ خاص طور د دې وړومبي 13 تاريخونه کومو ته چې تيره تيزی وئيلے کيږي، دا تاريخونه ډير سپيرۀ ګڼلے کيږي ٭ د وهميانو خلقو دا ذِهن جوړ شوے وي چې د صفرې پۀ مياشت کښې نوے کاروبار شروع کول نۀ دي پکار، ګنې نو د نقصان خطره ده ٭ پۀ صَفَرُ المُظَفَر کښې د سفر کولو نه بچ کيدل پکار دي، د پيښې سره د مخ کيدو خطره ده ٭ پۀ دې مياشت کښې ودونه مۀ کوئ، لوڼه مۀ ودوئ، د کور برباديدو انديښنه ده ٭ ډير وهميان خلق د صفرې پۀ مياشت کښې غټ کاروبار نۀ شروع کوي ٭ کاروباري لين دين نۀ کوي ٭ د کور نه بهر پۀ تګ راتګ کښې کمے راولي۔ ولې۔۔۔؟ سپيرۀ والے به راشي ، د پيښې سره مخ کيدے شي۔

لَا حَوْلَ وَلَا قُوَّۃَ اِلَّا بِاللہ...!! چې کله خيال ازاد پريږدې نو شيطان به پرې هم داسې قبضه کوي۔ حالت ته وګورئ تاسو۔۔۔!! انسان پۀ هوائي جاز کښې کښيني او پۀ هوا کښې سفر کوي، دومره ترقي يـې کړې ده خو دماغو ته يـې وګورئ چې 13 نمبر سپيرۀ ګڼي۔

وروره۔۔۔!! هيڅ هم نۀ کيږي۔ د کومې تورې پيشو پۀ مخه د تيريدو نه چې ويريږې، د هٰغه خالِق او مالِک الله رَبُّ العِزَّت پۀ پناه کښې راشۀ! خواره توره پيشو به تا ته څۀ نقصان در ورسوي، اِنْ شَآءَ اللہُ الْکَرِیم! ټولې ورانې به دې ودانې شي۔