اَعُوذُ بِالله او د ازاد خيالۍ تصَوُّر

خوږو او محترمو اِسلامي وروڼو! نن سبا دا نظريه ډيره عامه ده، ډير خلق پۀ دې پسې روان هم دي او هٰغه نظريه ده ازاد خيالي(Free Will Theory)۔ پۀ اَعُوذُ بِالله کښې د دې هم عِلاج شته ۔ زمونږه خوښه او زمونږه چې کومه اراده ده دا د يو خاص حده پورې کار کولے شي، که مونږه دا ازاده پريږدو، بالکل ازاد خياله شو نو زمونږه پۀ ارادو، زمونږه پۀ سوچونو او زمونږه پۀ خيالونو باندې شيطان قبضه کولے شي۔ ځکه چې مونږه کله وايو: اَعُوْذُ بِاللہِ مِنَ الشَّیْطٰنِ الرَّجِیْمِ نو پۀ دې کښې يو اِقرار دا هم دے چې اے الله پاکه! زۀ خپلې ارادې او خيالونه هم تا ته سپارم د پاره د دې چې شيطان زما پۀ خيالونو باندې قبضه اونۀ کړي۔

ترقي يافته بد فالي

نن سبا وګورئ چې دُنيا ترقي کړې ده، خيالونه او سوچونه يـې ازاد پريښودي دي خو پۀ بد فالۍ کښې انښتې ده۔ ډير لوئي لوئي ترقي يافته ملکونه دي کوم چې د 13 نمبر نه بد فالي اخلي، د هغوئي پۀ ودانو کښې 13 نمبر منزل نۀ وي، پۀ جازونو کښې يـې 13 نمبر سيټ نۀ وي۔

نورې ډيرې وهمي خبرې خلقو جوړې کړې دي، مثلاً ٭ که سحر وختي يـې د چا ړوند سره ملاقات وشي ٭ د يوې سترګې والا [کاڼه] انسان يـې مخې ته راغلو ٭ څوک ګوډ ورته ميلاؤ شو ٭ تور کارغه يا پيشو يـې پۀ مخه باندې تيره شوه ٭ کار له د تللو پۀ وخت يـې پۀ لاره کښې څۀ خراب اواز واوريدو نو بد فالي ترينه اخستے کيږي چې اوس به زما کار نۀ کيږي ٭ د ورځو نه بد فالي اخستے کيږي ٭ د ايمبولينس د اواز نه ٭ د فائر بريګيډ د اواز نه بد فالي اخستے کيږي ٭ کله نا کله پۀ اخبارونو کښې د چاپ کيدونکو د ستورو پۀ لوبو هم خپل ژوند غمژن کولے شي ٭ بعضې خلق د ميلمه د رخصتيدو پۀ وخت پۀ کور کښې جارو سپيرۀ ګڼي ٭ که ښۍ سترګه يـې ورپيږي نو يقين کوي چې څۀ مصيبت به راځي ٭ که اختر د جُمعې پۀ ورځ راشي نو دا د حکومت د پاره