کُرې کړي، تۀ به پۀ ارام سره تير شې، داسې به د سپي نه هم خلاص شې او وخت به دې هم بچت شي۔^([1])

څومره اسانه طريقه ده۔۔۔!! د مالِک پۀ پناه کښې راشۀ! ټول مشکلات به دې حل شي۔

د قومِ يُونُس عَلَیْهِ السَّلَام د کمال حکمتِ عملي

پۀ قرآنِ کريم کښې ښکلې واقعه بيان شوې ده۔ حضرت يُونُس عَلَیْهِ السَّلَام د الله پاک نبي دے، هغوئي چې کوم قوم ته نبي ليږلے شوي وو، هٰغه خلق پۀ نَينویٰ نومې علاقه کښې اوسيدل، پۀ کُفر او شِرک کښې اخته وو، حضرت يُونُس عَلَیْهِ السَّلَام هغوئي ډير پوهه کړۀ، د نيکۍ دعوت يـې ورکړو، د اِيمان او دِين طرف ته يـې راوبلل خو هٰغه خلق د کُفر او شِرک نه منع نۀ شو۔ اخر حضرت يُونُس عَلَیْهِ السَّلَام هغوئي ته د عذاب خبردارے ورکړو، ورته ووئيلے شو چې اوس به عذاب راځي۔ دا خبره چې هغوئي واوريده نو د هغوئي سره فِکر شو۔ د علاقې چې کوم مشران او هوښياران خلق وو، هغوئي راجمع شول، سوچ يـې شروع کړو چې حضرت يُونُس عَلَیْهِ السَّلَام چرې هم يوه غلطه خبره نۀ ده کړې۔ چې هغوئي د عذاب راتللو فرمائيلي دي نو عذاب به ضرور راځي۔ پۀ خپل مينځ کښي مشوره شروع شوه چې اوس  څۀ کول پکار دي ۔ پۀ مشوره کښې دا خبره وټاکلے شوه چې که حضرت يُونُس     عَلَیْهِ السَّلَام پۀ علاقه کښې وي نو د دې مطلب به دا وي چې عذاب نۀ راځي۔ که چرې هغوئي تشريف يوړلو نو مطلب به دا وي چې عذاب به راځي۔ نو هغوئي څۀ خلق د حضرت يُونُس عَلَیْهِ السَّلَام د کور مبارک خوا ته مقرر کړۀ! شپه شوه، حضرت يُونُس عَلَیْهِ السَّلَام د علاقې نه بهر تشريف يوړلو۔

چې سحر شو نو د عذاب نخښې پۀ نظر راغلې۔ بيا خلق پريشانه شو چې څۀ وکړي۔ حضرت يُونُس عَلَیْهِ السَّلَام لټوو چې پۀ څۀ طريقه باندې هغوئي تشريف راوړي، مونږ د هغوئي