Book Name:اعوذ باللہ Parhnay Ke Fazail
د مَدَني پنج سُورې نه دُعاګانې يادې کړئ!
د دې کومو څيزونو نه چې د پناه غوښتو ما ذِکر وکړو، پۀ دې کښې د ډيرو بيان د اميرِ اهلِسُنَّت مولانا محمد الياس قادري دَامَتْ بَرَکَاتُہُمُ الْعَالِیَه پۀ ډير ښکلي کتاب مدنی پنج سوره کښې موجود دے۔ دا کتاب حاصل کړئ! پۀ دې کښې چې خاص طور د کومو دعاګانو ذِکر دے، هغه لولئ! روزانه لوستلو دا دُعاګانې يادې کړئ! اِنْ شَآءَ اللہُ الْکَرِیم! ډيره فائده به درته حاصله شي۔
خوږو او محترمو اِسلامي وروڼو! هسې خو اَعُوْذُ باللہ اسانه وظيفه ده، لږ پۀ ذِهن باندې زور راوړئ چې پۀ ماشومتوب کښې چې کله د قرآنِ کريم لوستلو د پاره د قاري صاحب خوا له تلي وو نو هغوئي به مونږ ته وړومبے هم اَعُوْذُ باللہ ښودلې وه خو کيدے شي چې ډيرو خلقو ته د دې معنیٰ هم نۀ وي معلومه، لولي يـې، چې کله د تِلاوت سعادت حاصلوي، اَعُوْذُ باللہ عام طور لوستلے کيږي، د دې ترجمه څۀ ده؟ واورئ!
٭ د اَعُوذُ معنیٰ دہ: زۀ پناه غواړم۔ د چا؟
٭ بِاللهِ: د الله پاک۔ د کوم دښمن نه د بچ کيدو د پاره؟
٭ مِنَ الشَّيطٰنِ الرَّجِيم: د شيطان مَردُود نه۔
د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه فرمائي: اَعُوْذُ باللہ لوستل لکه چې د مخلوق نه د خالِق طرف ته ګرځيدل دي او دا د تَصَوُّف وړومبۍ پوړۍ ده۔([1])