رسول الله صَلَّى اللهُ عَلَيْهِ وَاٰلِهٖ وَسَلَّم به پۀ کثرت سره د الله پاک پناه غوښتله۔ د شيطان مَردُود خلاف نۀ۔۔۔!! اَلْحَمْدُ لِلّٰہ! د شيطان خو هغوئي ته هډو څۀ خطره نۀ وه، پۀ انبيائے کرامو علَيهِمُ السَّلام باندې خو شيطان هډو ګزار نۀ شي کولے او زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم۔۔۔!! د هغوئي شان خو ډير ځانګړے دے، پخپله فرمائي: د هر چا سره يو شيطان وي (کوم ته چې هَمزَاد وئيلے شي)، فرمائي: زما سره چې کوم شيطان وو، هغۀ کلمه وئيلې ده او مسلمان شوے دے۔^([1])

نو د شيطان نه نبي کريم صَلَّى اللهُ عَلَيْهِ وَاٰلِهٖ وَسَلَّم ته هيڅ خطره نۀ وه ، رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم به مونږ غلامانو ته د ښودلو د پاره پناه غوښتله او صرف د شيطان خلاف نۀ بلکې د نورو ډيرو څيزونو خلاف مکي مَدَني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم پناه غوښتلې ده۔ پۀ حديثونو کښې ذِکر دي، زۀ د خلاصې پۀ توګه عرض کووم: رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم د ٭ خراب دوست نه د الله پاک پناه وغوښتله   ٭ د خراب ګاؤنډي نه يـې د الله پاک پناه وغوښتله۔ دغه شان يـې ٭ د بے فائدې عِلم نه ٭ د عاجزۍ نه د خالي زړۀ نۀ ٭ د نۀ مړيدونکي نفس نه ٭ د نۀ قبليدونکې دُعا نه ٭ د کمزورۍ نه ٭ د ناراستۍ نه ٭ د زړۀ د سختۍ نه ٭ د غفلت نه ٭ د تنګدستۍ نه ٭ د ذِلت نه ٭ د محتاجۍ نه ٭ د فِسق (يعنې د ګناه) نه ٭ د جګړې نه ٭ د نفاق نه    ٭ د شهرت د غوښتلو نه ٭ د ريا نه ٭ د قبر د عذاب وغيره ډيرو څيزونو نه به يـې د الله پاک پناه غوښتله۔

داسې اِسْتِعَاذَہ يعنې د الله پاک پناه غوښتل د انبيائے کرامو علَيهِمُ السَّلام هم سُنَّت دي او د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم هم سُنَّت دي۔ ځکه مونږ ته پۀ کثرت سره د الله پاک د پناه غوښتو عادت جوړول پکار دي۔