پۀ اخري 2 سُورتونو کښې ايمان تازه کوونکې نکته

دا د قرآنِ کریم اخري دوه سورتونه دي: سُورۀ فَلق او سُورۀ وَالنّاس۔ دې دواړو ته مُعَوَّذَتَیْن وئيلے شي يعنې هٰغه دوه سورتونه پۀ کومو کښې چې د الله پاک د پناه غوښتو تعليم ورکړے شوے دے۔ دلته يوه ډيره ښکلې نکته علمائے کرامو بيان کړې ده: د قرآنِ کریم ابتدا وشوه د سُورۀ فَاتِحَه نه او ختم شو پۀ مُعَوَّذَتَیْن باندې۔ د دې پۀ خپل مينځ کښې ډير زيات تعلق دے۔ د سُورۀ فَاتِحَه مرکزي تعليم مُراقبه دے يعنې پۀ سُورۀ فَاتِحَه کښې مونږ ته ښودلے شوي دي چې اے بندګانو...!! خپل باطِن پاک او صفا کړئ او د الله پاک ياد پکښې دِيره کړئ او صِرف او صِرف د الله پاک شئ! بيا پۀ ټول قرآنِ کريم کښې د دې طريقې وښودلے شوې، د دې لارې مشکلات وښودلے شو، د مخکښينو قومونو واقعات بيان کړے شو۔

بندہ پريشانه شي چې يا الله پاکه! ستا د قُرب موندلو لاره خو ډيره سخته ده، څنګه به در رسوو؟ پۀ اخر کښې وفرمائيلے شو:

قُلْ اَعُوْذُ بِرَبِّ النَّاسِۙ(۱) (پارہ:30، سورۀ ناس :1)

ترجمهٴ کنزُ العِرفان: تۀ وفرمايۀ: زۀ د ټولو خلقو د رَبّ پناه اخلم۔

یعنې الله پاک ته د رسيدو د پاره د هغۀ پاک کريم رَبّ پۀ پناه کښې راشئ! ټول مشکلات به مو حل شي۔^([1])

اِستِعَاذَه د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم سُنَّت دي

سُبْحٰنَ اللہ! خير! ما عرض کولو چې اِسْتِعَاذَہ يعنې د الله پاک پناه غوښتل د انبيائے کرامو علَيهِمُ السَّلام هم سُنَّت دي۔ د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم سُنَّت هم دي۔