Share this link via
اَعوذُ بالله جا فضائل
اوهان هنن کي انسان سمجهو ٿا؟ جيڪڏهن هي انسان هجن ها ته منهنجي چنبي ۾ ڇو ڦاسن ها؟ مون چيو: تنهنجي ويجهو حقيقي انسان ڪير آهي؟ چيائين: شيراز جي جامع مسجد ۾ 3 ماڻهو آهن، انهن منهنجو جيئڻ ڏکيو ڪري ڇڏيو آهي، مون کي ڪمزور ڪري ڇڏيو آهي.
شيخ جنيد رَحْمَةُ اللهِ عَلَيْه فرمائن ٿا: منهنجي اک کلي، مان شيراز جي جامع مسجد ۾ پهتس. اتي واقعي 3 بزرگ موجود هئا. انهن مون کي ڏسي فرمايو: جنيد...! هر ڪنهن جي ڳالهه تي يقين ڪري وٺي ٿو؟ فرمائن ٿا: مان ويهي رهيس. انهن بزرگن فرمايو: جنيد! ڄاڻي وٺ! جنهن شيطان مَردُود کان الله پاڪ جي پناهه گهري، اهو مَضْبُوط دِين تي قائم ٿي ويو. وڌيڪ فرمايائون: ياد رک...! شيطان دين جي راهه جو ڌاڙيل آهي. جڏهن تون الله پاڪ جي پناهه گهرندين ته اهو توکان پري ڀڄي ويندو ۽ ڌاڙو نه هڻي سگهندو.([1])
سُبْحٰنَ الله! معلوم ٿيو؛ شيطان دين جي راهه جو خطرناڪ ترين ڌاڙيل آهي، اُن کان بچڻو آهي ته الله پاڪ جي پناهه ۾ اچڻو پوندو، اهو ئي قُدرتن وارو رَبِّ ڪريم آهي جيڪو اسان کي اُن مَردُود کان بچائي سگهي ٿو. جڏهن اسان الله پاڪ جي پناهه ۾ ايندا آهيون، پوءِ شيطان جو ڪهڙو حال ٿيندو آهي، اهو به ٻڌي وٺو!
حضرت زُبَير بن عَوَّام رَضِيَ اللهُ عَنْه صحابيءِ رسول آهن، مسلمانن جي پهرين خليفي حضرت ابوبڪر صِدِّيق رَضِيَ اللهُ عَنْه جا نياڻا آهن، تمام اوچي رُتبي واري هستي آهن، سندن شُمار به عَشره مُبَشَّره ۾ ٿئي ٿو. عَشره مُبَشَّره انهن 10 صحابن کي چوندا آهن، جن کي حُضُورِ اڪرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ جنّت جي خوشخبري ٻڌائي. ايئن ته سڀ صحابه ئي جنّتي آهن پر انهن 10 کي جنّت جي خوشخبري ملڻ، انهن جي خصوصي شان آهي. خير! حضرت زُبير بن عَوَّام رَضِيَ اللهُ عَنْه فرمائن ٿا: هڪ ڏينهن مان مسجدِ نبوي شريف ۾ ويٺو الله پاڪ جو ذِڪْر ڪري رهيو هيس، اوچتو منهنجي ساڄي ڪن ۾ آواز آيو: اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہٗ!
BOOK TOPIC
- درودِ پاڪ جي فضيلت
- بيان ٻڌڻ جون نيتون
- شيطان کي ڊيڄارڻ جو طريقو
- صحابي جي نگاههِ جو ڪمال
- شيطان اسان جو دُشمن آهي
- الله پاڪ جي پناهه ۾ اچي وڃو..!
- دين جي راهه جو خطرناڪ ترين ڌاڙيل...!!
- ڪارو، سياھ بَدحال شيطان
- 10 ڀيرا اَعُوْذُ بِاللہ پڙهڻ جي فضيلت
- اِسْتِعَاذَه سُنّتِ انبيا آهي
- آخري 2 سُورتن ۾ ايمان افروز نڪتو
- اِسْتِعَاذَه سُنّتِ مصطفيٰ آهي
- مدني پنج سُوره مان دُعائون ياد ڪريو!
- تَصَوُّف جي پهرين ڏاڪڻ
- فِرْعَون جو سبق آموز واقعو
- اسان ۽ اسان جي بي وسي
- اُسْتاد جي بهترين نصيحت
- قومِ يُونُس جي ڪمال حڪمتِ عملي
- اَعُوذُ بِالله ۽ آزاد خيالي جو تصَوُّر
- پناهه صِرْف هڪ ئي آهي
- ترقي يافته بدشگوني
- بُرائي جا 70 دروازا
- بيان جو خُلاصو
- 12 ديني ڪمن مان هڪ ديني ڪم: مدرسةُ المدينه بالِغان
- فيشن پرست جي زندگي ۾ بهار اچي وئي
- اَلقُرانُ الڪريم موبائل ايپلي ڪيشن
- ڪجهه ضروري اعلانات
- وعدي جي پابندي سُنَّت آهي
- دعوتِ اسلامي جي هفتيوار سنتن ڀري
- اِجتِماع ۾ پڙهيا ويندڙ 6 درود شريف ۽ 2 دعائون
- (1) جمعه جي رات جو دُرُود
- (2) سمورا گُناھ مُعاف
- (3) رَحمت جا ستّر دروازا
- (4) ڇھ لک دُرُودشريفن جو ثواب
- (5) قُربِ مُصطَفٰي صَلَّی اللہُ تَعَالٰی عَلَیْہِ وَاٰلِہٖ وَسَلَّمَ
- (6) دُرُود شَفَاعت
- (1) هڪ هزار ڏينهن جون نيڪيون
- (2) ڄڻ شبِ قدر حاصل ڪري ورتي
