کله زۀ د هٰغه ځلمي د تپوس د پاره اسپتال ته لاړم نو د هغۀ سترګې بهر طرف ته راوتې وې او د هغۀ مخ دومره ويروونکے شوے وو چې هغۀ ته کتل د همت کار وو۔ بهر حال ډيرې ورځې هغۀ د مرګ پۀ بستره پروت وو او اخر هٰغه ځلمے کوم چې خپل مور او پلار د روښانه مستقبل پۀ فِکر کښې د ګيرې پريښودو، د عمامې پۀ سر کولو او د دعوتِ اِسلامي د سُنَّتو پۀ اجتماعاتو کښې د شرکت کولو نه منع کړے وو د مرګ ښکار شو او تيارۀ قبر ته کوز شو۔

يقين وکړئ چې هٰغه ځلمے ډير دين داره او عاشقِ رسول وو۔ تر دې پورې چې د دعوتِ اِسلامي پۀ دِيني ماحول کښې د هغۀ ډير ځل د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم پۀ خوب کښې زيارت هم نصيب شوے وو خو افسوس چې مور او پلار هغۀ د دِيني ماحول نه لرې کړو د پاره د دې چې د هغۀ مستقبل روښانه شي خو هغۀ د مور او پلار مستقبل د هميشه د پاره تيارۀ کړو او د دُنيا نه رخصت شو۔ الله پاک دې هٰغه ځلمے وبخښي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم۔

خوږو او محترمو اِسلامي وروڼو! څوک چې د دې دُنيا نه رخصت شي د هغۀ د پاره د دُنيا رنګينۍ رنګينۍ نۀ پاتې کيږي، د دُنيا هنګامې هنګامې نۀ پاتې کيږي، که پۀ ملک کښې هر قِسمه انقلاب راشي د مړ شوي کَس د هغې سره هيڅ کار نۀ وي، بس هٰغه ځلمے پۀ زړۀ کښې ډير ارمانونه يوسي او تيارۀ او ژور قبر ته ورَسي۔

د بده قسمته  نن سبا مسلمانان دې د پاره پۀ خپل مينځ کښې جګړې کوي چې زمونږه تعلق د فلانکي قوم او د فلانکۍ قبيلې سره دے او مونږه د فلانکۍ ژبې ويوونکي يو ځکه مونږ له خپل حقونه پکار دي، حالانکې حقيقت دا دے چې که مسلمانان د ژبې، نسلي او علاقائي اختلافات پريږدي او يو شي نو ټول نفرتونه به ختم شي، ټولو ته به خپل خپل حقونه ميلاؤ شي او مسلمانان به کامياب شي۔