Book Name:Sayyidon Ki Barkatain
کښې د حاضرۍ منظر * د اعمال نامو ورکولو منظر * د الله پاک پۀ بارګاه کښې د ودرولو منظر * د پل صراط مشکلات، الله! الله! د يو بل نه زيات مشکلات دي، تش وحشتونه دي۔ د دې مشکلاتو نه مونږه څنګه بچ کيدے شو؟ څنګه به نجات حاصلوو؟ زما او ستاسو خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم اسان حل راښودلے دے، اوئې فرمائيل: د دريو څيزونو عزت کوئ! الله پاک به پخپله د دُنيا او د اخرت پۀ هره معامله کښي ستاسو حفاظت وفرمائي۔ کوم کوم څيزونه دي؟ اوئې فرمائيل: (1): د اِسلام عزت کوئ! (2): زما (یعنې د مُحَمَّد صَلَّى اللهُ عَلَيْهِ وَاٰلِهٖ وَسَلَّم) عزّت کوئ! (3): د اهلِ بیتِ پاک عزّت کوئ...!!
الله پاک دې مونږ ته توفيق راعطا کړي۔ بزرګانِ دِين، د الله پاک نيکانو بندګانو به د سيدانو صاحبانو څومره عزت کولو، پۀ څنګه ځانګړي انداز کښې به يـې د هغوئي ادب کولو؟ راځئ چې واورو!
* شيخ ابراهيم رامپوري رَحْمَةُ اللهِ عَلَيْه يو بزرګ تير شوے دے، هغوئي سيِّد پور کرنال (هِند) ته تشريف راوړو، دغلته يـې استوګنه اختيار کړه، دلته د راتلو نه پس به هغوئي پۀ کټ کښې نۀ اوده کيدل، خلقو چې ترينه د دې د سبب پوښتنه وکړه نو اوئې فرمائيل: پۀ دې علاقه کښې بعضې سيدان صاحبان داسې هم شته چې د هغوئي سره کټونه نشته، هغوئي پۀ زمکه باندې اوده کيږي، چې سيدان صاحبان (پۀ خپلو خپلو کورونو کښې) پۀ زمکه باندې ارام فرمائي نو زۀ څنګه پۀ کټ کښې ښپې کيږدم، دا د اَدب خلاف دي۔
* شيخ ابراهيم رامپوري رَحْمَةُ اللهِ عَلَيْه به د جَامَنو د ونې د لاندې پۀ عبادت کښې مصروف وو، بعضې وخت به وړو وړو ماشومانو سيدانو تشريف راوړو، د باغ ونې به يـې پۀ کاڼو ويشتلې او ميوې به يـې راشوکولې او خوړلې به يې، چي کله به پۀ يو کاڼي باندې شيخ ابراهيم رَحْمَةُ اللهِ عَلَيْه ولګيدو نو دا به يـې سعادت ګڼلو، تر ډيرې مودې پورې خو هغوئي پۀ دې معامله باندې صبر کولو خو چې کله يـې صبر تمام شو نو سيدانو