Aal e Nabi Ke Fazail

(1): سنتیں اورآداب سیکھنا:5منٹ، (2):دعایاد کرنا :5 منٹ، (3):جائزہ:5منٹ، کُل دورانیہ15منٹ

پھر اچھی اچھی نیتیں کرنے کے بعد مَزارات کی طرف روانہ ہو اور (زائر یعنی زِیارت کرنے والے کو چاہیے کہ اولیائے کِرام رَحِمَہُمُ اللہُ کے) مَزاراتِ طیِّبات پرحاضِر ہونے میں پائنتی(پا۔ ئِنْ ۔ تی ۔ یعنی قدموں) کی طرف سے جائے اورکم ازکم چار(4) ہاتھ کے فاصِلہ پر مُواجَہہ میں(یعنی چِہرے کے سامنے) کھڑا ہو اورمُتَوَسِّط(یعنی درمِیانی)آواز میں(اِس طرح) سَلام عَرْض کرے : اَلسّلَامُ عَلَیْکَ یَاسَیِّدِیْ وَرَحمَۃُ اللّٰہِ وَبَرَکَاتُہٗ،پھر”دُرُودِ غَوْثیہ“ تین (3) بار، اَلْحَمْد شریف ایک(1)بار، اٰیَۃُ الْکُرْسِی ایک(1) بار،سُوْرَۃُ الْاِخْلَاص سات (7) بار، پھر ”دُرُوْدِ غَوْثیہ“ سات (7)بار ، اور وَقْت فُرْصت دے توسُوْرَۂ یٰسٓ اور سورۂ مُلک بھی پڑھ کراللہ کریم سے دُعا کرے کہ الٰہی!اِس قِراءَت پر مجھے اِتنا ثَواب دے جو تیرے کرم کے قابِل ہے، نہ اُتنا جو میرے عَمَل کے قابِل ہے او راِسے میری طرف سے اِس بندۂ مَقبول کو نَذْر پہنچا۔ پھر اپنا جو مطلب، جائز (اور) شرعِی ہو، اُس کے لیے دُعا کرے اورصاحبِ مَزار کی رُوح کواللہ پاک کی بارگاہ میں اپنا وسیلہ قَرار دے، پھر اُسی طرح سَلام کر کے واپَس آئے۔(فتاوٰی رضویہ،ص۹ /۵۲۲)*حاضری کے آداب کا خیال رکھتے ہوئے رضائے الٰہی کے لئے مزار پر حاضری دیجئے *حَتَّی المَقْدُور با وُضو رہئے * حاضری کے لئے جاتے ہوئے با وضو ہو کر جائیے اور ذِکرو دُرُود سے اپنی زبان تَر رکھئے۔ (مزاراتِ اولیا کی حکایات، ص۷)

Important

Mobile Apps

Contact Us