Sayyidon Ki Barkatain

Al Quran Books Madani Channel

Magazine Courses Media

ذیلی حلقے کے 12 دینی کاموں میں سے ایک کام: فجر کے لیے جگانا

پیارے اسلامی بھائیو!اَلحمدُ لِلّٰہ! آج کے اس پُرفتن دور میں عاشقانِ رسول کی دینی تنظیم دعوتِ اسلامی دِلوں میں عشقِ رسول جگانے، نیکی کی دعوت دینے اور اُمّت کو نیک نمازی بنانے کی کوشش میں مَصْرُوفِ عَمَل ہے، آپ بھی دعوتِ اسلامی کے دینی ماحول سے وابستہ ہو جائیے، ذیلی حلقے کے 12 دینی کاموں میں بھی خوب بڑھ چڑھ کر حِصّہ لیا کیجیے! اِنْ شَآءَ اللہُ الْکَرِیْم! دِین و دُنیا کی بےشمار برکتیں نصیب ہوں گی۔12دینی کاموں میں سے ایک دینی کام فجر کے لیے جگانا بھی ہے۔

نمازِ فجر کے لیے جگانا سُنَّتِ مصطفےٰ ہے؛*اللہ پاک کے آخری نبی، رسولِ ہاشمی صلی اللہُ عَلَیْہِ وَ آلِہٖ وَسَلَّم فجر کے لیے جاتے ہوئے سوتے ہوؤں کو جگاتے تھے^{(^[1])}*مسلمانوں کے دوسرے خلیفہ حضرت عمر فاروقِ اعظم رَضِیَ اللہُ عنہ کا بھی یہی انداز تھا ^{(^[2])}اور *مسلمانوں کے چوتھے خلیفہ حضرت علیُّ الْمُرْتضیٰ رَضِیَ اللہُ عنہ بھی اس پیاری پیاری سُنّت کے عامِل تھے۔ ^{(^[3])}

آپ بھی یہ سُنَّت اپنائیے! نماز ِ فجر کے لیے جگایا کیجیے! اِنْ شَآءَ اللہُ الْکَرِیْم! بہت برکتیں ملیں گی*دوسروں کو جگائیں گے تو خود بھی نمازِ فجر باجماعت پڑھنے کی سَعَادت ملے گی*صبح صبح نیکی کی دعوت عام کرنے کا ثواب ملے گا*آپ کے جگانے سے جتنے لوگ نماز پڑھیں گے، اُن سب کی نمازوں کا ثواب انہیں بھی ملے گا اور اِنْ شَآءَ اللہُ الْکَرِیْم! آپ کے اعمال نامے میں بھی لکھا جائے گا*صبح صبح پیدل چلنے کا موقع ملے گا تو صحت اچھی رہے گی*ایک اَہَم فائدہ یہ کہ مسجد کی رونق بڑھ جائے گی،

[1]...ابو داؤد، کتاب الصلاۃ، باب الاضطجاع بعدھا، صفحہ:208، حدیث:1264۔

[2]...مشکاۃ المصابیح،کتاب الصلاۃ، جز:1، جلد:1، صفحہ:244، حدیث:1240۔

[3]...تاریخ الخلفاء، صفحہ:112ماخوذاً۔

Important

Mobile Apps

Contact Us