Book Name:Imam Hussain Ke 5 Ausaf
سیکھا کرتے تھے۔ ایک مرتبہ حضرت امیرِمُعَاوِیہ رَضِیَ اللہ تَعَالٰی عَنْہُ سے کسی نے پوچھا: امامِ حُسَین رَضِیَ اللہ تَعَالٰی عَنْہُ کی زیارت کہاں ہو سکتی ہے؟
اب امیر مُعَاویہ رَضِیَ اللہ تَعَالٰی عَنْہُ کی محبّت،آپ کا ادب اور امام حُسَین رَضِیَ اللہ تَعَالٰی عَنْہُ کے مُتَعَلِّق آپ کے جذبات دیکھئے! فرمایا: مسجدِ نبوی شریف میں جاؤ! وہاں تمہیں ایک حلقہ دِکھائی دے گا، لوگ ایسے اطمینان کے ساتھ بیٹھے ہوں گے کہ گویا ان کے سَر پر پرندے بیٹھے ہیں، وہ حلقہ امامِ عالی مقام امام حُسَین رَضِیَ اللہ تَعَالٰی عَنْہُ کا ہے۔([1])
سُبْحٰنَ اللہ !یہ ہیں امامِ عالی مقام رَضِیَ اللہ عنہ...!! آپ مسجد میں عِلْمِ دین کا درس دیا کرتے تھے...!! اے عاشقانِ امام حُسَین! آ پ بھی ہمت فرمائیے! عِلْمِ دِین سیکھنے والے بن جائیے! سکھانے والے بن جائیے! اَلحمدُ لِلّٰہ ! دعوتِ اسلامی والے عاشقانِ امام حُسَین مسجد درس دیتے بھی ہیں اور سنتے بھی ہیں۔ آپ بھی مسجد دَرْس میں شرکت کیا کیجئے! اگر دَرْس دے سکتے ہیں تو دینے والے بن جائیے، ورنہ سننے والے بن جائیے! اِنْ شَآءَ اللہ الْکَرِیْم! ٭عِلْمِ دِین سیکھنے کا موقع ملے گا ٭اتنی دَیْر مسجد میں بیٹھنے کا ثواب ملے گا ٭نیک صحبت میں بیٹھنا نصیب ہو گا ٭گھر سے ہی دَرْس میں شرکت کی نِیّت کر کے چلیں گے تو راہِ عِلْمِ دِین میں چلنے کا ثواب ملے گا ٭ اِنْ شَآءَ اللہ الْکَرِیْم! مخلوقات حتی کہ دریا کی مچھلیاں بھی دُعا کریں گی۔
صَلُّوْا عَلَی الْحَبِیْب! صَلَّی اللہ عَلٰی مُحَمَّد
(5):امام حُسَین کی عِبَادات
پیارے اسلامی بھائیو! ہمارے آقا، سلطانِ کربلا امام عالی مقام، امام حُسَین رَضِیَ اللہ تَعَالٰی عَنْہُ