پاره هميشه تيار اوسو، چې کله هم د دِين د پاره د قربانۍ موقع راځي نو بالکل شاته نه پاتې کيږو، پۀ خوشحالۍ سره، پۀ استقامت او حوصلې سره، د ډيرې بهادرۍ او شان سره قرباني ورکوو، د دې چې به کوم انعام ميلاؤيږي،  اِنْ شَآءَ اللہُ الْکَرِیم! مزې به مو وي۔ راځئ چې زۀ تاسو ته د الله پاک پۀ لاره کښې د ورکړے شوې يوې عظيمې قربانۍ او پۀ هغې باندې د ميلاؤ شوي انعام پۀ باره کښې وه وايم۔

يو صحابي رَضِىَ اللهُ عَـنْهُ وو د کوم نوم مبارک چې سَعد وو او رنګ يـې تور وو، يوه ورځ پۀ بارګاهِ رسالت کښې حاضر شو او عرض يـې وکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! آيا زما د تور رنګ پۀ وجه باندې به زۀ  جنَّت ته نۀ شم داخليدے؟ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ووفرمائيل: آيا تۀ پۀ الله او پۀ رسول ايمان لرې؟ عرض يـې وکړو: آؤ جي! زۀ 8 مياشتې مخکښې مسلمان شوے يم۔ اوئې فرمائيل: پۀ خدائے مې دې قَسم وي! بيا  ستا رنګ تا د جنَّت نه نۀ شي منع کولے۔ حضرت سَعد رَضِىَ اللهُ عَـنْهُ عرض وکړو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! چې خبره داسې ده (تور رنګ جنَّت ته پۀ تللو کښې خنډ [يعنې رکاوټ] نه دے) نو بيا ما له څوک رشته ولې نه راکوي؟

اوس اَصلي معامله واضحه شوې وه، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ووفرمائيل: تۀ د فلانکي صحابي کور ته لاړ شه! هغوئي ته ووايه چې د الله پاک رسول صَلَّى اللهُ عَلَيْهِ وَاٰلِهٖ وَسَلَّم ستاسو د لور نکاح زما سره کړې ده۔

حضرت سَعد رَضِىَ اللهُ عَـنْهُ د هٰغه صحابي کور ته لاړو، د خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم پيغام يـې هغوئي ته ورسولو، صحابۀ کرام رَضِىَ اللهُ عَـنْهُ اَلْحَمْدُ لِلّٰہ! فرمانبرداره وو، هغوئي چې پيغام واوريدو نو فوراً بارګاهِ رسالت ته حاضر شو او د خپلې لور نکاح يـې د حضرت سَعد رَضِىَ اللهُ عَـنْهُ سره وکړه۔ بيا خوږ نبي رسولِ هاشمي صَلَّى اللهُ عَلَيْهِ وَاٰلِهٖ وَسَلَّم د حضرت سَعد رَضِىَ اللهُ عَـنْهُ د پاره د پيسو بندوبست وکړو، هغوئي پيسې واخستې او خپلې  بي بي له د څۀ څيزونو اخستو د پاره بازار ته لاړو۔