خلق مسلماني اسانه ګڼي

خوږو او محترمو اِسلامي وروڼو! پۀ دې آيت مبارک کښې مونږ له دا درس راکړے شوے دے چې د دِين پۀ لاره کښې مشکلات راځي، پۀ دې باندې تلونکو ته به قربانۍ ورکول وي، بيا اوچت مقامات ميلاؤيږي، ځکه هر مسلمان له پکار دي چې د الله پاک پۀ لاره کښې د تکليفونو برداشت کولو او د مال او ځان وغيره د هر څۀ قربانولو د پاره هر وخت تيار اوسي۔ هم دا خبره پۀ يو بَل آيت کښې هم اِرشاد شوي ده، فرمائي:

اَحَسِبَ النَّاسُ اَنْ یُّتْرَکُوْۤا اَنْ یَّقُوْلُوْۤا اٰمَنَّا وَ ھُمْ  لَا یُفْتَنُوْنَ (۲)             

(پارہ:20، سورۀ العنكبوت:2)

ترجمهٴ کنزُ العِرفان: آيا خلقو دا ګڼلې دي چې هغوئي به صرف پۀ دومره خبره باندې پريښودے شي چې هغوئي وائي: ” مونږه ايمان راوړلو“ او د هغوئي ازميښت به نۀ اخستلے کيږي؟

معلومه شوه چې د مسلمانانو د هغوئي د ايماني قوت مطابق امتحان اخستل، د الله پاک قانون دے، بيماري، ناداري، غريبي، مصيبتونه، دا ټول د الله پاک د طرف نه راتلونکي ازميښتونه دي، پۀ کومو چې د مخلصه مسلمانانو او د منافقانو ترمينځه فرق واضحه کيږي۔ ^([1])  

یہ شہادَت گہِ اُلْفَت میں قَدَم رکھنا ہے                                                 لوگ آسان سمجھتے ہیں مسلماں ہونا

ژوند څۀ ته وئيلے شي۔۔۔؟

خوږو او محترمو اِسلامي وروڼو! دا خبره هميشه ياد ساتئ چې ژوند صرف د ساه اخستو نوم نۀ دے، ډاکټر اِقبال د ژوند حقيقت ډير پۀ واضحه انداز کښې بيان کړے دے، وائي:

بَر تَر اَز اندیشۂ سُود و زِیاں ہے زِندگی                                                                    ہے کبھی جاں اور کبھی تسلیمِ جاں ہے زندگی