د خبرو غازيان

خوږو او محترمو اِسلامي وروڼو! تاسو وکتل چې صحابۀ کرامو عَلَیْہِمُ الرِّضْوان به د دِين پۀ لاره کښې څنګه قربانۍ ورکولې۔ خو آه! نن مونږ بهانې کوو * زمونږ سره د دُنيا د هر يو کار د پاره وخت شته خو د دِين د خِدمت د پاره * د قرآن او حديث زده کولو د پاره * د عِلمِ دِين حاصلولو او نورو ته د رَسَوَلو د پاره راسره وخت نشته * د خپل عيش او عشرت د پاره پۀ زرګونو پۀ لکونو روپۍ هم لګوو خو د دِين د خدمت د پاره د مال قربانولو لړ کښې مو زړۀ درزيږي * د خپلو صلاحيتونو استعمالولو سره خو ډيره دُنيا راجمع کوو خو د دِين د پاره خپل صلاحيتونه نۀ وړاندې کوو * د ځان قرباني خو غټه خبره ده، مونږ خو د وخت او مال قرباني هم نشو ورکولے۔۔۔!!

تھے تو آباء وہ تمہارے ہی مگر تم کیا ہو...؟                       ہاتھ پر ہاتھ دھرے مُنْتَظِر فردا ہو

خوږو او محترمو اِسلامي وروڼو! چې نن مونږ غور وکړو! اخر هغه کومه يوه جذبه وه د کومې جذبې لاندې چې اِمامِ عالي مقام اِمامِ حُسَين رَضِىَ اللهُ عَـنْهُ داسې عظيمُ الشانه قرباني پيش کړه، صحابۀ کرامو رَضِىَ اللهُ عَـنْهُم قدم پۀ قدم قربانۍ ورکړې۔ خبره هم دا ده چې   * هغوئي د اوچتې مرتبے کامِل ايمان والا وو * پۀ هغوئي کښې د ايمان جذبه وه او   * آه! نن سبا اکثر مسلمانان د ايمان د کمزورۍ ښکار دي * د هغوئي مخې ته به هر وخت د الله او د رسول رضا وه خو افسوس چې نن سبا د مسلمانانو اکثريت اوس دې اړخ ته هډو توجه نه ورکوي * پۀ هغوئي کښې د الله او د رسول د مَحَبَّت جذبه وه خو آه! نن سبا زياتره مسلمانان د دُنيا پۀ مَحَبَّت کښې غرق دي * هغوئي د اعلیٰ کردار مالکان وو خو نن اکثر مسلمانان صرف د خبرو غازيان جوړ شوي دي۔

* آه! افسوس چې مونږ د دُنيا پۀ مَحَبَّت کښې ډوب شو * د الله پاک د رضا د کارونو نه لرې وتو * خپل ژوند مو پۀ ګناهونو ککړ کړو * او د خپل خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د سُنَّتو عامِل جوړيدو پۀ ځائے مو د غيرو خلقو فيشن اختيار کړو