Share this link via
د مور پلار درې حقونه (قسط:3)
* غيبتونه يې کول * کنځلې ورته کول وغيره۔ د معراج پۀ شپه د نيبانو سردار، د رسولانو سالار صَلَّى اللهُ عَلَيْهِ وَاٰلِهٖ وَسَلَّم پۀ دوزخ کښې ځينې داسې خلق وليدل، کوم چې د وَنو پۀ ښاخونو پسې زوړند وو۔ نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: اے جبريله! دا څوک دي؟ عرض يـې وکړو: دا هٰغه خلق دي کومو چې به پۀ دُنيا کښې خپل مور پلار ته کنځلې کولې (ردې بدې به يـې وئيلې)۔ ([1]) (2): داسې کار کول چې خلق ستاسو مور او پلار ته ردې بدې ووائي * د هغوئي بے عزتي وکړي وغيره۔ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: د بنده خپل مور او پلار ته کنځلې کول پۀ کبيره ګناهونو کښې دي۔ عرض وکړے شو: يا رسولَ صَلَّى اللهُ عَلَيْهِ وَاٰلِهٖ وَسَلَّم! آيا څوک خپل مور او پلار ته هم کنځلې کولے شي؟ اوئې فرمائيل: آؤ! دا د چا پلار ته کنځلې وکړي نو هغۀ د دۀ پلار ته کنځلې وکړي او دا د چا مور ته کنځلې وکړي نو هغۀ د دۀ مور ته کنځلي وکړي۔ ([2])
دويم حق: د مور او پلار د وفات کيدو نه پس د هغوئي د کفن دفن وغيره انتظام کول
وضاحت: خُدائے دې نۀ کړي که د چا پۀ مور او پلار کښې کوم يو وفات شي نو د هغوئي د * کفن * د جنازې او * د دفن کولو انتظام دې وکړے شي، پۀ دې ټولو کارونو کښې دې د سُنَّتو او مستحباتو خيال وساتلے شي چې مړي ته د دې سُنَّتو او مستحباتو برکتونه حاصل شي، بهتره دا ده چې اولاد دا کار پخپله وکړي، که پۀ اولاد کښې چا له دا کار نۀ ورځي نو که څوک نيک پرهيزګاره کَس يـې وکړي نو هم پکښې څه باک نشته۔ ياد ساتئ چې پۀ دې ټولو کارونو کښې دې تادي وکړے شي بغير د څۀ وجهې د لم ليټ نه کار اخستل سخت منع دي، پۀ حديثِ پاک کښې دي: چې کله پۀ تاسو کښې څوک مړ شي نو هغۀ مۀ ايساروئ او زر يـې دفن کړئ۔ ([3])
BOOK TOPIC
