Share this link via
والدين جا 3 حق (قسط پهرين)
پيارا اسلامي ڀائرو! الله ۽ ان جي رسول صَلَّى اللهُ عَلَيْهِ وَاٰلِهٖ وَسَلَّم اسان کي والدين سان نيڪي ۽ ڀلائي جو حڪم ڏنو آهي. هي جنت ۾ وٺي وڃڻ وارو عمل آهي. والدين جا کوڙ سارا حق آهن، جن مان 3 اسان پهريان سکي چڪا آهيون 3 اَڄ سکنداسين. اچو! پهريان سکيل حقوق دهرايون ٿا: (1) اطاعت ۽ فرمانبرداري (2) والدين کي راضي رکڻ (3) والدين جي خدمت ڪرڻ.
وڌيڪ 3 حقوق جيڪي اَڄ سکڻا آهن:
پهريون حق: والدين جو ادب ۽ احترام
وضاحت: دينِ اسلام والدين جي ادب ۽ احترام جي گهڻي تاڪيد فرمائي آهي. والدين جي ادب ۽ احترام جون ڪيتريون ئي صورتون آهن. مثال طور: ٭ والده يا والد کي ايندو ڏسو ته تعظيم طور اٿي بيهو.٭ سندن اکين ۾ اکيون وجهي ڳالهه نه ڪريو.٭ جيڪڏهن اهي سڏين ته فوراً حاضر ٿيو.٭ ادب سان ۽ ’اوهان‘ چئي ڳالهايو.٭ سندن موجودگيءَ ۾ هرگز پنهنجو آواز بلند نه ڪريو، وغيره وغيره. اڄڪلهه هن حق ڏانهن توجهه تمام گهٽ آهي. ٭ ماءُ پيءُ جي سامهون آواز بُلند ڪرڻ، ٭ اُنهن سان اُلجهڻ، وڙهڻ، ٭ ”توهان اسان لاءِ ڪيو ئي ڇا آهي؟“ جهڙا بي ادبي وارا ۽ دل ڏکوئيندڙ جملا چوڻ، ٭ سندن غيبت ڪرڻ، ٭ دوستن ۽ يارن جي سامهون سندن گلا ڪرڻ وغيره عام ٿي ويو آهي. بلڪه ماءُ پيءُ کي مارڻ ۽ معاذ الله! قتل ڪري ڇڏڻ جون خبرون به اخبارن ۾ ڇپجنديون رهنديون آهن. الله پاڪ اسان کي ماءُ پيءُ جي بي ادبين کان محفوظ فرمائي. پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم فرمايو آهي : ٭ پنهنجي پيءُ کان اڳيان نه هلو. ٭ کين گاريون نه ڏيو. ٭ سندن ويهڻ کان اڳ نه ويهو.
BOOK TOPIC
- سکڻ ۽ سيکارڻ جي حلقن جو جدول
- دُرُود شريف جي فضيلت
- والدين جا 3 حق (قسط پهرين)
- والدين جا 3 حق
- پهريون حق: والدين جو ادب ۽ احترام
- ٻيو حق : والدين جي لاءِ دُعا ڪرڻ
- ٽيون حق: والدين جي متعلقين سان صله رحمي ڪرڻ
- دهرائي
- سکڻ ۽ سيکارڻ جي حلقن ۾ ياد ڪرائي ويندڙ دُعا
- ڪنهن قوم کان خطري جي وقت جي دعا
- اجتماعي جائزي جو طريقو (72 نيڪ اعمال)
- روزانو 56 نيڪ اعمال:
- قُفلِ مدينه ڪارڪردگي
- هفتيوار 9 نيڪ اعمال
