سب جلد حاضِر ہو جائیں۔ حضرت سَعدرَضِیَ اللہ  تَعَالٰی عَنْہُ نے یہ اِعْلان سنا تو سَر آسمان کی طرف اُٹھایا اور کہا: اے اللہ   کریم! میں ان پیسوں کو تیری اور تیرے محبوب صَلَّی اللہ  عَلَیْہِ وَ آلِہٖ وَ سَلَّم کی رضا کے لئے خرچ کروں گا۔ چنانچہ آپ نے ان پیسوں سے ایک گھوڑا، ایک نیزہ، ایک تلوار اور ایک ڈھال خریدی  عمامہ باندھا، جنگ کی تیاری کی اور لشکرِ اسلام کے ساتھ جا ملے۔ جنگ میں شریک ہوئے، بڑی بہادری کے ساتھ لڑے، کئی دشمنوں کو جہنّم پہنچایا، آخر میدانِ جنگ میں ایک آواز گونجی: سعد کو نیزہ لگا اور وہ شہید ہو گئے۔

یہ قربانی تھی، اس جنگ میں شہید تو اور صحابہ بھی ہوئے ہوں گے لیکن حضرت سعدرَضِیَ اللہ  تَعَالٰی عَنْہُ کی طرح نئی دلہن کو انتظار کرتے چھوڑ کر، دِل کی حسرتیں دِل ہی میں دبا کر شاید کوئی نہ آیا ہو گا، اس لئے ان کی قربانی دوسروں کی نسبت بہت مختلف تھی، اس قربانی کی شان نِرالی تھی۔ اس عظیم قربانی پر انہیں اِنْعام کیا مِلا، ذرا دِل تھام کر سنیئے!

روایت میں ہے: جب پیارے آقا، مکی مدنی مصطفےٰ صَلَّی اللہ  عَلَیْہِ وَ آلِہٖ وَ سَلَّم کو حضرت سَعدرَضِیَ اللہ  تَعَالٰی عَنْہُ کی شہادت کی خبر ملی تو آپ صَلَّی اللہ  عَلَیْہِ وَ آلِہٖ وَ سَلَّم تشریف لائے فَرَفَعَ رَاْسَہٗ وَوَضَعَہٗ عَلیٰ حِجْرِہٖ رسولِ خُدا، احمدِ مجتبیٰ صَلَّی اللہ  عَلَیْہِ وَ آلِہٖ وَ سَلَّم نے ان کا سَر اُٹھایا اور اپنی جھولی مبارک میں رکھ لیا وَ مَسَحَ عَنْ وَجْہِہِ التُّرَابَ بِثَوْبِہٖ اور اپنے کپڑوں سے ان کے چہرے کی مٹی صاف کی اور فرمایا: مَا اَطْیَبَ رِیْحَکَ وَ اَحَبَّکَ اِلَی اللہ   وَ رَسُوْلِہٖ (اے سعد!) تمہاری خوشبو کتنی پیاری ہے، تم اللہ   و رسول کے کتنے پیارے ہو...!!

اللہ  ! اللہ  ! حضرت سعدرَضِیَ اللہ  تَعَالٰی عَنْہُ کے اس نصیب پر ہزار جانیں فِداہوں، کیسا نِرالا نصیب ہے، زمانہ جن کی ایک جھلک دیکھنے کو ترستا ہے، فرشتے جن کے در پر حاضِری کی