کی وجہ سے مجھے جنّت میں جانے سے روک دیا جائے گا؟ پیارے آقا، مکی مدنی مصطفےٰ صَلَّی اللہ  عَلَیْہِ وَ آلِہٖ وَ سَلَّم نے فرمایا: کیا تم اللہ   و رسول پر ایمان رکھتے ہو؟ عرض کیا: جی ہاں! میں 8 ماہ پہلے ہی مسلمان ہوا ہوں۔ فرمایا: خُدا کی قسم! پِھر تمہارا رنگ تمہیں جنّت سے نہیں روکے گا۔ حضرت سَعدرَضِیَ اللہ  تَعَالٰی عَنْہُ نے عرض کیا: یارسولَ اللہ   صَلَّی اللہ  عَلَیْہِ وَ آلِہٖ وَ سَلَّم ! جب بات ایسی ہے (کالا رنگ جنّت میں جانے سے رُکاوٹ نہیں ہے ) تو پِھر مجھے کوئی رشتہ کیوں نہیں دیتا؟

اب اَصْل معاملہ واضِح ہو چکا تھا، پیارے آقا، مکی مدنی مصطفےٰ صَلَّی اللہ  عَلَیْہِ وَ آلِہٖ وَ سَلَّم نے فرمایا: تم فُلاں صحابی کے ہاں جاؤ! انہیں کہو کہ اللہ   پاک کے رسول صَلَّی اللہ  عَلَیْہِ وَ آلِہٖ وَ سَلَّم نے تمہاری بیٹی کا نِکاح مجھ سے کر دیا ہے۔

حضرت سَعدرَضِیَ اللہ  تَعَالٰی عَنْہُ ان صحابی کے گھر پہنچے، پیارے نبی، رسولِ ہاشمی صَلَّی اللہ  عَلَیْہِ وَ آلِہٖ وَ سَلَّم کا پیغام انہیں پہنچایا، صحابۂ کرام رَضِیَ اللہ  تَعَالٰی عَنْہُ الحمد للہ! فرمانبردار تھے، انہوں نے پیغام سُنا تو فوراً بارگاہِ رسالت میں حاضِر ہوئے اور اپنی بیٹی کا نِکاح حضرت سَعدرَضِیَ اللہ  تَعَالٰی عَنْہُ کے ساتھ کر دیا۔ اب پیارے نبی، رسولِ ہاشمی صَلَّی اللہ  عَلَیْہِ وَ آلِہٖ وَ سَلَّم نے حضرت سَعدرَضِیَ اللہ  تَعَالٰی عَنْہُ کے لئے پیسوں کا اہتمام فرمایا، انہوں نے پیسے لئے اور اپنی زوجہ کے لئے کچھ چیزیں خریدنے بازار چلے گئے۔

اب یہ موقع قربانی کا ہے، نہ جانے کب سے دِل میں شادِی کی حسرت ہو گی، آج وہ حسرت پُوری ہوئی، حضرت سَعدرَضِیَ اللہ  تَعَالٰی عَنْہُ کا ابھی ابھی نِکاح ہوا ہے، ابھی زوجہ کو دیکھا بھی نہیں ہے، بازار سے اپنی نئی دلہن کے لئے چیزیں خرید رہے تھے کہ اِعْلان ہوا: اے لوگو! پیارے آقا، مکی مَدَنی مصطفےٰ صَلَّی اللہ  عَلَیْہِ وَ آلِہٖ وَ سَلَّم ! جنگ کے لئے روانہ ہونے کو ہیں،