ہوئے ٭ پیارے آقا، مکی مدنی مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے اِعْلانِ نبوت کے چھٹے سال 614 عیسوی میں آپ نے اسلام قبول کیا ٭ سرورِ عالَم، نورِ  مُجَسَّم صَلَّی اللہ  عَلَیْہِ وَ آلِہٖ وَسَلَّم  نے آپ کے اِسْلام لانے کے لئے دُعا فرمائی، اس لئے آپ کو مُرادِ رسول بھی کہتے ہیں۔^([1])  

٭ حضرت عمر رَضِیَ اللہُ تَعَالٰی عَنْہُ کے اسلام قبول کرنے سے اسلام کی عزت(Respect) اور غلبہ(Domination) میں اِضافہ ہوا، مسلمانوں کو حوصلہ ملا٭ حضرت عمر رَضِیَ اللہُ تَعَالٰی عَنْہُ کے قبولِ اسلام کے بعد ہی مسلمانوں نے حرمِ پاک میں اعلانیہ نماز ادا کی ٭ رسولِ اکرم، نورِ مجسم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   نے حضرت عمر رَضِیَ اللہُ تَعَالٰی عَنْہُ کو اپنا وزیر فرمایا٭ اسلام کی تمام اَہَم منصوبہ بندیوں(Plannings) میں حضرت عمر رَضِیَ اللہُ تَعَالٰی عَنْہُ اللہ  پاک کے حبیب، حبیبِ لبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کے خصوصی مُشِیْر(Special Adviser)رہے ٭ ساری زِندگی حُضُور جانِ کائنات، فخر موجودات صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں گزاری ٭ 13 سن ہجری بمطابق 634 عیسوی یعنی 53سال کی عمر مبارک میں آپ مسلمانوں کے دوسرے خلیفہ بنے۔

٭  24 ہجری بمطابق 643 عیسوی میں مسجدِ نبوی شریف میں، نمازِ فجر پڑھاتے ہوئے، ایک غیر مسلم نے خنجر سے آپ پر حملہ کیا، جس سے آپ زخمی ہوئے اور مدینۂ پاک میں شہادت کی موت پائی۔ حضرت صُہَیب رَضِیَ اللہُ تَعَالٰی عَنْہُ نے آپ کی نمازِ جنازہ پڑھائی اور حضور جانِ  کائنات، فخرِ مَوجودات صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے پہلو مبارک میں دَفْن ہوئے۔  ^([2])

صَلُّوْا عَلَی الْحَبیب!                                               صَلَّی اللہ  عَلٰی مُحَمَّد