شفیعِ عاصیاں،وکیلِ مجرماں صَلَّی اللہُ  عَلَیْہِ وَاٰلِہٖ وَسَلَّمَ کو اُونچا مانا جائے  ،وہ  اس طرح کہ  ہم آپ  کے لائے ہوئے دِین کوتسلیم کریں،آپ  کی تعظیم واَدَب بَجالائیں اور ہرشخص اور ہر چیز یعنی اپنی ذات،اپنی اَولاد، ماں باپ، عزیز واَقارِب اور اپنے مال واَسباب پر آپ صَلَّی اللہُ  عَلَیْہِ وَاٰلِہٖ وَسَلَّمَ کی رِضا وخُوشنودی  کو مُقدَّم رکھیں۔ (ماخوذاز اشعۃ اللمعات، ج۱،کتاب الایمان،فصل اول ،ص۵۰)اورجس کام سےآپ صَلَّی اللہُ  عَلَیْہِ واٰلِہٖ وَسَلَّمَ نے مَنْع فرمادیا، اس سے بچنے کی کوشش بھی کرتے رہیں ،اگر بتقاضائے بَشَرِیَّت اس کا اِرْتکاب کر بیٹھیں  تواللہ پاک کی رحمت سے بخشے جانے اور روزِ محشر آپ صَلَّی اللہُ  عَلَیْہِ واٰلِہٖ وَسَلَّمَکی شَفاعت پانے  کی اُمید رکھتے ہوئے سچّی توبہ کریں اورآئندہ اس گُناہ کی طرف جانے کا خیال بھی اپنے دل میں نہ لائیں۔آیئے!اس بات کی سچّے دل سے نِیَّت  کرتے ہیں کہ آج کے بعد ہماری کوئی نماز قَضا نہیں ہوگی  اِنْ شَآءَ اللہ … بلکہ آج تک جتنی نَمازیں قَضا ہوئی ہیں  توبہ کرکےانہیں  اَدابھی  کریں گےاِنْ شَآءَاللہ… جُھوٹ،غیبت، چُغْلی، وعدہ خِلافی،دھوکہ دَہی وغیرہ گُناہوں سے بچتے رہیں گےاِنْ شَآءَ اللہ… فیشن پرستی کو چھوڑ کر سنتیں اپنائیں گے اِنْ شَآءَ اللہ …،فلمیں ڈرامےاورگانے باجے چھوڑ کر صِرْف مدنی چینل دیکھیں گے اِنْ شَآءَ اللہ

صَلُّوْا عَلَی الْحَبِیْب!                                                                                        صَلَّی اللہُ  عَلٰی مُحَمَّد

 پیارے اسلامی  بھائیو!کامل مَحَبَّت کی علامتوں میں سے ایک یہ بھی ہے کہ مَحَبَّت کرنے والے کو اپنے محبوب سےتَعَلُّق رکھنے والی ہر ہر چیز سے مَحَبَّت ہو ۔اَمِیْرُالْمُؤمنین حضرت  فارُوقِ اعظم رَضِیَ اللہُ  عَنْہُ کی مَحَبَّتِ رَسُوْل  کے کیا کہنے !  فارُوقِ اعظم رَضِیَ اللہُ  عَنْہُ نہ صرف اللہ   کے محبوب ، دانائے غُیُوب صَلَّی اللہُ  عَلَیْہِ وَاٰلِہٖ وَسَلَّمَ کی ذاتِ  بابرکت سے مَحَبَّت فرماتے تھے بلکہ آپ صَلَّی اللہُ  عَلَیْہِ وَاٰلِہٖ وَسَلَّمَ کی اَوْلاد، اَزْواج، اَصْحاب بلکہ ہر وہ چیز جسے آپ صَلَّی اللہُ  عَلَیْہِ وَاٰلِہٖ وَسَلَّمَ کے ساتھ نِسْبَت ہوجاتی اس سے بھی والہانہ عقیدت