يـې د ګناهونو نه د بچ کيدو حکم کړے دے، که مونږه پۀ دې دوو مياشتو کښې د ګناهونو نه بچ شو نو اِنْ شَآءَ اللہُ الْکَرِیم! د کال شروع به هم ښه کيږي او خاتمه به يـې هم ښه کيږي، د دې پۀ برکت که الله پاک وغواړي نو ټول کال به د نيکو نه ډک تير شي۔ ^([1])

  مُحَرّم الـحَرام د توبې مياشت ده

پۀ حديثِ پاک کښې دي: سرکارِ عالي وقار، مکي مَدَني تاجدار صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ مُحَرّم الـحَرام کښې يوه ورځ ده چې پۀ دې کښي الله پاک د يو قوم توبه قبوله کړه او د نورو توبه به هم قبلوي۔ ^([2])

سُبْحٰنَ اللہ! معلومه شوه چې مُحَرّم الـحَرام د توبې مياشت ده۔ د روايتونو مطابق حضرت آدم عَلَیْهِ السَّلَام چې کله زمکې ته تشريف راوړو نو هغوئي چې کومه جنَّتي ميوه خوړلې وه، اګر که هغه ګناه نۀ وه خو

جن کے رُتبے ہیں سِوا اُن کی سِوا مشکل ہے

(څوک چې د اوچتې مرتبې والا وي، هغوئي خپلې پۀ ظاهره معمولي خبرې هم لوئي ګڼي،) ځکه حضرت آدم عَلَیْهِ السَّلَام پۀ دې باندې توبه وکړه او تر ډيرو کلونو پورې يـې ژړل، اخر الله پاک د هغوئي توبه قبوله کړه، پۀ کومه ورځ چې د هغوئي دا توبه قبوله شوه، هغه د مُحَرّم الـحَرام مياشت وه او 10 تاريخ وو۔ ^([3])

پۀ ګناه باندې کلک ودريدل شيطاني عمل دے

علمائے کرام فرمائي: حضرت آدم عَلَیْهِ السَّلَام ګناه ونکړه، د هغوئي نه معمولي خطا وشوه، هغوئي پۀ دې باندې هم ډير کلونه ژړل خو شيطان د الله پاک سخته نافرماني وکړه