Book Name:Dajal Kahan Hai Kab Nikale ga
خدايۍ دعویٰ به کوي * مړي به راژوندي کوي * زمکه به د هغۀ پۀ حکم باندې شينکے رازرغونوي * اسمان به د هغۀ پۀ حکم باندې اوبه راوروي * د هغۀ منونکي به ډير مالداره وي * شاړې ته به ځي نو د زمکې نه به خزانې راوځي او د هغۀ سره به ورسره کيږي۔ د دې پۀ شان به نورې هم ډيرې نخرې کوي د حقيقت سره به د دې هيڅ تعلق نۀ وي، دا ټولې به د جادو خبرې وي * دا به مدينے منورې ته تلل غواړي خو تللے به نشي، هٰغه وخت به پۀ مدينه منوره کښې 3 زلزلې راځي، هلته به چې کوم منافقان وي او پۀ ظاهره يـې د ځان نه مسلمانان جوړ کړي وي ، هغوي د زلزلو نه وتښتي او د دجَّال ملګرتيا به کوي * د دجَّال پۀ تندي باندې به ک، ف، ر (يعنې کافِر) ليکلے شوے وي، هغه به هر مسلمان لولي، غير مسلمه به يـې نشي لوستلے۔
چې کله دا پۀ ټوله زمکه باندې ګرځي او فتنې خوروي او شام ته ورسي، دا به د سحر د نـمونځ وخت وي، بيا به حضرت عيسیٰ عَلَیْهِ السَّلَام د اسمان نه راکوز شي۔ دجَّال به د حضرت عيسیٰ عَلَیْهِ السَّلَام د ساه پۀ خوشبو باندې داسې وِيلې کيږي، لکه څنګه چې پۀ اوبو کښې مالګه ويلې کيږي۔ دجَّال به د هغوئي د ساه نه لرې تښتي، هغوئي به پۀ هغۀ پسې شاته ورروان وي او د هغۀ ملا به نيزه ووهي اوجهنم ته به يـې ورسوي۔([1])
حضرت اَسما بنتِ يزيد رَضِىَ اللهُ عَـنْها فرمائي: يوه ورځ خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم زمونږ پۀ کور کښې تشريف فرما وو، نبي کريم صَلَّى اللهُ عَلَيْهِ وَاٰلِهٖ وَسَلَّم د دجَّال پۀ باره کښې وفرمائيل: د دجَّال د راتلو نه مخکښې به درې سخت کلونه وي * پۀ وړومبي کال به بارانونه نۀ کيږي، د زمکې نه (چې به څومره پيداوار کيږي، د هغې نه به) پۀ دريو کښې دوه حصې پيداوار کيږي * د دې نه پۀ بَل کال به پۀ