ایمان مضبوط کړئ...!!

خوږو او محترمو اِسلامي وروڼو! د دجَّال د فتنې نه د بچ کيدو يوه طريقه خو دا ده چې مونږه ايمان مضبوط ساتو او خپل ايمان ډير زيات مضبوط کړو۔ پۀ قرآنِ کريم کښې حکم کيږي:

یٰۤاَیُّہَا الَّذِیْنَ اٰمَنُوْۤا اٰمِنُوْا

(پارہ:5، النساء:136)

ترجمهٴ کنزُ العِرفان: اے ایمان والؤ! ایمان ساتئ!

د تفسير علمائے کرام د دې پۀ وضاحت کښې فرمائي: اِزْدَادُوا فِی الْاِیْمانِ يعنې معنیٰ دا ده چې اے ايمان والؤ! خپل ايمان نور هم مضبوط کړئ! ^([1])

* کلمه خو مو ووئيله، بيا پۀ دې باندې پۀ اِستقامت سره قائم هم اوسئ! * کلمه خو مو ووئيله، بيا د دې پۀ تقاضو باندې هم عمل وکړئ * کلمه خو مو ووئيله، بيا د ايمان شعبې ډيرې زياتې دي، دا شعبې هم اختيار کړئ! * کلمه خو مو ووئيله، بيا پۀ ايمان کښې نوره هم ترقي کوئ! * کلمه خو مو ووئيله، بيا د خپل ايمان د کمال پۀ فِکر کښې اخته شئ!

 د اِيمان د مضبوطولو طريقې

دا به څنګه کيږي؟ پۀ حديثونو کښې د دې طريقه ښودلے شوې ده۔ خوږ نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ الله پاک مې دې قَسم وي! بنده تر هٰغه وخته پورې کامِل مؤمِن نشي کيدے، تر څو پورې چې د خپل مسلمان ورور د پاره هٰغه څۀ خوښ نۀ کړي، کوم چې د ځان د پاره خوښوي۔ ^([2])

معلومه شوه چې مونږ د ځان د پاره څۀ خوښوو، هغه د نورو د پاره خوښول شروع کړو