اللہ سے کیا پیار ہے عثمانِ غنی کا                                                              محبوبِ خُدا یار ہے عثمانِ غنی کا​

سرکار سے پائیں گے مُرادَوں پہ مُرادَیں ​                       دربار    یہ     دُر     بار     ہے     عثمانِ     غنی     کا​^([1])

فضیلت میں صحابہ کی ترتیب

پیارے اسلامی بھائیو! یہ بات یاد رکھئے! تمام صحابۂ کرام علیہمُ الرّضوان ہی جنّتی ہیں، قرآنِ کریم میں اِن سب سے جنّت کا وعدہ فرمایا گیا ہے۔ اِرْشاد ہوتا ہے:

وَ كُلًّا وَّعَدَ اللّٰهُ الْحُسْنٰىؕ   (پارہ:5، النساء:95)

تَرجَمۂ کَنزالْعِرفَان : اور اللہ نے سب سے بھلائی کا وعدہ فرمایا ہے۔

پِھر اِن صحابۂ کرام علیہمُ الرّضوان میں خُلَفائے رَاشِدِین یعنی پہلے 4خلیفہ اِنتہائی فضیلت والے ہیں۔ ان چاروں خلیفوں میں پِھر ترتیب ہے: ٭سب سے اَفضل پہلے خلیفہ حضرت اَبُوبکر صدیق رَضِیَ اللہُ تَعَالٰی عَنْہ  ٭اِن کے بعد دوسرے خلیفہ حضرت عمر فاروقِ اَعظم رَضِیَ اللہُ تَعَالٰی عَنْہ  ٭اِن کے بعد حضرت عثمانِ غنی رَضِیَ اللہُ تَعَالٰی عَنْہ  اور ٭حضرت مولیٰ علی رَضِیَ اللہُ تَعَالٰی عَنْہ  زیادہ فضیلت والے ہیں۔

صَلُّوا عَلَی الْحَبِیْب!                                               صَلَّی اللہُ تَعَالٰی عَلٰی مُحَمَّد

حضرت عثمانِ غنی رَضِیَ اللہُ تَعَالٰی عَنْہ  کا مختصر تعارف

پیارے اسلامی بھائیو! ذُو الحج شریف کی 18 تاریخ کو مسلمانوں کے تیسرے خلیفہ حضرت عثمانِ غنی رَضِیَ اللہُ تَعَالٰی عَنْہ  کا عُرسِ پاک ہوتا ہے^([2]) ٭آپ صحابئ رسول ہیں ٭دُور کے رشتے سے پیارے آقا صَلَّی اللہُ عَلَیْہِ وَ آلِہٖ وَسَلَّم  کے بھانجے لگتے ہیں ٭آپ نے چوتھے یا پانچویں