Share this link via
عثمانِ غني رَضِیَ اللهُ عَنْہُ جا 3 اوصاف
پهريون وَصف اهو بيان ٿيو ته حضرت عثمانِ غني رَضِیَ اللہُ تَعَالٰی عَنْہُ رات جو گهڻا سجدا ڪندڙ، نمازون پڙهندڙ آهن. مُصَنَّف اِبْنِ ابي شيبه ۾ روايت آهي، مسلمانن جي ٽئين خليفي حضرت عثمانِ غني رَضِیَ اللہُ تَعَالٰی عَنْہُ جو معمول مبارڪ هو ته پاڻ هميشه نفلي روزا رکندا هئا ۽ رات جي شروعاتي حصي ۾ آرام فرمائي باقي رات عبادت ۾ گذاريندا هئا.[1]
هڪ رڪعت ۾ پورو قرآن پڙهندا هئا
سندن زوجه محترمه فرمائن ٿيون: حضرت عثمانِ غني رَضِیَ اللہُ تَعَالٰی عَنْہُ سڄي رات عبادت ڪندا هئا ۽ (کين تلاوتِ قرآن سان اهڙي محبت هئي جو) هڪ ئي رڪعت ۾ پوري قرآن جي تلاوت فرمائي وٺندا هئا.[2]
حضرت عبدالرحمٰن تَيمي رَحْمَةُ الله عَلَيه فرمائن ٿا: هڪ رات مان ڪعبه شريف جي ويجهو (يعني مسجدِ حرام ۾) هيس، مون عشاء جي نماز اتي ئي ادا ڪئي، پوءِ مقامِ ابراهيم وٽ بيهي رهيس، ايتري ۾ مسلمانن جا ٽيان خليفه اَمِيرُالْمُؤمِنِين حضرت عثمانِ غني رَضِیَ اللہُ تَعَالٰی عَنْہُ تشريف فرما ٿيا، پاڻ سورة فاتحه کان قرآنِ ڪريم جي تلاوت شروع ڪئي ۽ تلاوت ڪندا ويا، ڪندا ويا، ايستائين جو پورو قرآنِ ڪريم مڪمل ختم ڪري ورتائون.[3]
سُبْحٰنَ الله! پيارا اسلامي ڀائرو! غور فرمايو! ڪيڏو نه ذوقِ عبادت آهي، هڪ ئي رڪعت ۾ پورو قرآن تلاوت ڪري وٺڻ ڪيتري نه همت جي ڳالهه آهي ۽ ان تي استقامت به ڏسو! پاڻ اهو نيڪ ڪم روزانو ڪندا هئا. پاڻ رَضِیَ اللہُ عَنه جي هي ئي اها شان آهي جيڪا قرآنِ ڪريم ۾ بيان ٿي:
ہُوَ قَانِتٌ اٰنَآءَ الَّیۡلِ سَاجِدًا وَّ قَآئِمًا
يعني حضرت عثمانِ غني رَضِیَ اللہُ تَعَالٰی عَنْہُ اهي بلند شان وارا آهن جن جون راتيون سجدي ۽ قيام ۾ الله پاڪ جي عبادت ڪندي، فرمانبرداري ڪندي گذرن ٿيون.
BOOK TOPIC
- درودِ پاڪ جي فضيلت
- حضرت عثمانغني رَضِیَ اللہُ تَعَالٰی عَنْہُ جو مختصر تعارف
- عثمانِ غني رَضِیَ اللہُ تَعَالٰی عَنْہُ جا 3 اَوصاف
- (1): رات جو عِبَادت ڪرڻ وارا
- هڪ رڪعت ۾ پورو قرآن پڙهندا هئا
- شب بيداري (رات جي عبادت) جا فضائل
- شب بيداري سُنّتِ مصطفيٰ آهي
- دُنيا ۾ اچڻ جو مقصد عبادت آهي
- (2): آخرت کان ڊڄڻ وارا
- عثمانِ غني رَضِیَ اللہُ تَعَالٰی عَنْہُ جي خوفِ خُدا جا واقعا
- منهنجو رب مون کان ناراض نه ٿي وڃي
- غُلام کان معافي وٺي ڇڏي
- خوفِ خُدا حاصل ڪرڻ جا طريقا
- (3): رحمتِ اِلٰهي کان تمام گهڻي اُميد رکڻ وارا
- خوف ۽ اُميد ٻئي ضروري آهن
- معاشري ۾ مايوسي جون مثالون
- اُميدِ رحمت جو هڪ تقاضو
- اُميدِ رحمت جو اصل مطلب
- بيان جو خلاصو
- نيڪ اعمال (Naik Amal) موبائل ايپليڪيشن
- درست ڇا آهي؟
- اسماء الحسنيٰ جون برڪتون (وظيفو)
