Share this link via
عثمانِ غني رَضِیَ اللهُ عَنْہُ جا 3 اوصاف
لَا تَقْنَطُوْا مِنْ رَّحْمَةِ اللّٰهِؕ (سيپارو: 24، الزمر: 53)
ترجمو ڪنزُ العرفان: الله جي رحمت کان مايوس نه ٿجو.
هتي اها ڳالهه به ياد رکڻ جي آهي ته الله پاڪ جو خوف ۽ ان جي رحمت کان اُميد، ٻئي ئي ضروري آهن، جيڪڏهن صرف خوفِ خُدا جو غلبو هجي ۽ ٻانهو رحمت کان بلڪل نااُميد ٿي وڃي، اهو به درست ناهي ۽ الله پاڪ جي رحمت کان اُميد هجي پر ٻانهو الله پاڪ جي پڪڙ کان بلڪل بي خوف ٿي وڃي، اهو به درست ناهي. حُجَّةُ الْاِسْلام امام محمد غزالي رَحْمَۃُ اللہِ تَعَالٰی عَلَیْہِ پنهنجي ڪتاب مِنْهَاجُ الْعَابِدِين ۾ خوف ۽ اُميد کي عَقْبَةُ الْبَوَاعِثْ جو نالو ڏنو آهي يعني خوف ۽ اُميد اهي شيون آهن جيڪي انسان کي عبادت تي اڀارين ٿيون. ان ڪري هڪ نيڪ ۽ عبادت گذار، سٺو مسلمان بڻجڻ لاءِ ضروري آهي ته اسان الله پاڪ جي رحمت کان اُميد به رکون ۽ ان جي خفيه تدبير کان، ان جي غضب کان خوفزده به رهون.
بدقسمتي سان اڄڪلهه جيئن خوفِ خُدا جي ڪمي ملي ٿي، ائين ئي مايوسي به پکڙجندي پئي وڃي. ٭هڪ ڏينهن دُڪان تي آمدني گهٽ ٿي ته دل پريشان ٿي وڃي ٿي ٭بيمار ٿي وياسين ته مايوسي ٭ڪا پريشاني اچي ته مايوسي ٭مُصيبت اچي وڃي ته مايوسي ٭اسان جا نوجوان امتحان ۾ ناڪام ٿي وڃن ته مايوس ٿي وڃن ٿا ٭ڪي نادان ته مايوسي جي کڏ ۾ ايئن ڪرن ٿا جو تنگدستي، غربت، پريشاني ۽ امتحان وغيره ۾ ناڪامي کان مايوس ٿي خودڪشي جو رستو وٺن ٿا. اَلْاَمَانْ وَالْحَفِيْظ الله پاڪ محفوظ فرمائي. الله پاڪ جي رحمت کان هرگز مايوس نه ٿيڻ گهرجي. مسلمانن جي چوٿين خليفي حضرت علي المرتضيٰ رَضِیَ اللہُ تَعَالٰی عَنْہُ کان پڇيو ويو: سڀ کان وڏو گناهه ڇا آهي؟ فرمايائون: الله پاڪ جي خفيه تدبير کان بي خوفي ۽ ان جي رحمت کان مايوس ٿي وڃڻ.[1]
BOOK TOPIC
- درودِ پاڪ جي فضيلت
- حضرت عثمانغني رَضِیَ اللہُ تَعَالٰی عَنْہُ جو مختصر تعارف
- عثمانِ غني رَضِیَ اللہُ تَعَالٰی عَنْہُ جا 3 اَوصاف
- (1): رات جو عِبَادت ڪرڻ وارا
- هڪ رڪعت ۾ پورو قرآن پڙهندا هئا
- شب بيداري (رات جي عبادت) جا فضائل
- شب بيداري سُنّتِ مصطفيٰ آهي
- دُنيا ۾ اچڻ جو مقصد عبادت آهي
- (2): آخرت کان ڊڄڻ وارا
- عثمانِ غني رَضِیَ اللہُ تَعَالٰی عَنْہُ جي خوفِ خُدا جا واقعا
- منهنجو رب مون کان ناراض نه ٿي وڃي
- غُلام کان معافي وٺي ڇڏي
- خوفِ خُدا حاصل ڪرڻ جا طريقا
- (3): رحمتِ اِلٰهي کان تمام گهڻي اُميد رکڻ وارا
- خوف ۽ اُميد ٻئي ضروري آهن
- معاشري ۾ مايوسي جون مثالون
- اُميدِ رحمت جو هڪ تقاضو
- اُميدِ رحمت جو اصل مطلب
- بيان جو خلاصو
- نيڪ اعمال (Naik Amal) موبائل ايپليڪيشن
- درست ڇا آهي؟
- اسماء الحسنيٰ جون برڪتون (وظيفو)
