وليدو، هغۀ چې زۀ وليدم نو رانه وتښتيدو، ما پۀ هغۀ پسې ورمنډې کړې او چې ورنزدې شوم نو عرض مې وکړو چې ما ته نصيحت وکړئ! اوئې فرمائيل: د الله پاک نه ويريږه! بے شکه الله پاک غيرتي دے، هغۀ د خپل بنده پۀ زړۀ کښې د ځان نه علاوه د بل هيچا محبت نۀ خوښوي۔ ^([1])

حاجت به يې پوره شي

پۀ روايتونو کښې دي: الله پاک خپل يو نبي عَلَیْهِ السَّلَام ته وحي وليږله، اوئې فرمائيل: زما فلانکے بنده زما نه خپل حاجت غواړي که هغۀ يو کار وکړي نو د هغۀ حاجت پوره کيدے شي۔ نبي عَلَیْهِ السَّلَام عرض وکړو: اے کريم مالِکه! هغه کوم يو کار دے؟ اوئې فرمائيل: د هغۀ پۀ زړۀ کښې زما نه  علاوه د بل چا محبت پروت دے که هغۀ خپل زړۀ د غير د محبت نه خالي کړي نو زۀ به د هغۀ حاجت پوره کړم۔ ^([2])

مرے دِل سے دُنیا کی چاہت مٹا کر                          کر اُلْفت میں اپنی فنا یااِلٰہی!

تُو اپنی وِلایت کی خیرات دیدے                             مرے غوث کا واسطہ یااِلٰہی! ^([3])

د الله پاک د غيرت هډو خوښ نۀ دي چې۔۔۔

خوږو او محترمو اِسلامي وروڼو! نن چې کله د قُربانۍ د څاروي پۀ مرۍ باندې چاړۀ کيږدئ نو هٰغه وخت د الله پاک غيرت ضرور راياد کړئ ٭ بنده دې د الله پاک وي او پۀ زړۀ کښې دې محبت د مال ساتي ٭ بنده دې د الله پاک وي او پۀ زړۀ کښې دې محبت د دُنيا ساتي ٭ بنده دې د الله پاک وي او پۀ زړۀ کښې دې محبت د عهدې او د منصب ساتي ٭ بنده دې د الله پاک وي او پۀ زړۀ کښې دې محبت د عزت او شهرت ساتي ٭ بنده دې د الله پاک وي او عبادت دې نورو ته د ښودلو د پاره کوي ٭ بنده دې د الله پاک وي او د