Book Name:Muhabbat e Ilahi Ka Amali Izhar
د حضرت ابراهيم عَلَیْهِ السَّلَام د دې بے مثله قُربانۍ نه مونږ ته د زدکړې د پاره ډير څۀ ميلاؤيږي، مثلاً ٭ پۀ دې کښې د تابعدارۍ او فرمانبردارۍ درس دے ٭ پۀ دې کښې د اِيثار او د قُربانۍ سبق دے ٭ پۀ دې کښې د مور پلار د تابعدارۍ درس دے ٭ پۀ دې کښې د رَبِّ کريم د رضا د پاره خپل هر څۀ د قُربانۍ د پاره د پيش کولو دَرس دے ٭ د دې نه علاوه نور هم ډير سبقونه دي کوم چې مونږ ته د دې قُربانۍ نه د زدکړې د پاره ميلاؤيږي خو نن چې پۀ کومه خبره باندې مونږه د پوهه کولو کوشش کوو، هغه دا ده چې اخر رَبِّ کائنات حضرت ابراهيم عَلَیْهِ السَّلَام ته د زوي د قُربانولو حکم ولې وکړو؟ پۀ دې کښې څۀ راز دے؟ څۀ حکمت پکښې پټ دے؟ وګورئ! تر قيامته پورې سُنَّتِ ابراهيمي ژوندے ساتل وو، دې د پاره به حضرت ابراهيم عَلَیْهِ السَّلَام هُم يو ذبح کړے وو، بيا هم کافي وو، د حضرت ابراهيم عَلَیْهِ السَّلَام سره پۀ زرګونو څاروي وو، د هٰغه ټولو د قُربانولو حکم به يـې کړے وو، بيا هم دا يوه لويه قُرباني وه خو الله پاک د زوي د قُرباني کولو حُکم ولې وکړو، اخر پۀ دې کښې څۀ راز دے؟
مفسرينِ کرامو د دې حکمت بيان کړے دے چې پۀ اصل کښې خبره دا ده چې الله پاک پۀ بوډا والي کښې حضرت ابراهيم عَلَیْهِ السَّلَام ته زوي عطا کړو، بيا د مور پلار د اولاد سره فطري طور محبت وي، پۀ دې کښې څه باک هم نشته بلکې دا محبت پکار دے، پۀ دِين کښي د دې ترغيب ورکړے شوے دے خو د حضرت ابراهيم عَلَیْهِ السَّلَام خو څۀ کمه مرتبه نۀ وه، د هغوئي د خَليلُ الله اوچته مرتبه نصيب وه ځکه غَارَ عَلَیْہِ سُبْحَانُہٗ فَاخْتَبَرَ نو الله کريم غيرت وفرمائيلو او د هغوئي امتحان يـې واخستو۔ ([1])
چې کله دا امتحان وشو نو حضرت ابراهيم عَلَیْهِ السَّلَام د خپل يَوَزري زوي پۀ مرۍ باندې چاړۀ کيښودله او عملي طور يـې دا اِظهار وکړو چې اے کريم مالِکه! زۀ د زوي سره