Book Name:Muhabbat e Ilahi Ka Amali Izhar
وَ مِنَ النَّاسِ مَنْ یَّتَّخِذُ مِنْ دُوْنِ اللّٰهِ اَنْدَادًا یُّحِبُّوْنَهُمْ كَحُبِّ اللّٰہِ ؕ (پارہ:2، البقرہ:165)
ترجمهٴ کنزُ العِرفان: او بعضې خلق د الله نه سِوا نور معبودان جوړوي، هغوئي سره د الله پۀ شان محبت کوي، او ايمان والا د ټولو نه زيات الله سره محبت کوي۔
پۀ دې آيت مبارک کښې د دوه قِسمه محبتونو موازنه شوې ده: (1): د کافِر د خپلو دروغژنو معبودانو سره محبت (2): د مؤمن د خپل رښتوني خُدائےسره محبت۔ اللہ پاک فرمائي:
وَ الَّذِیۡنَ اٰمَنُوۡۤا اَشَدُّ حُبًّا لِّلّٰہِ ؕ
يعنې کافران د خپلو دروغژنو معبودانو سره محبت خو کوي خو مؤمِن بنده چې د خپل رښتوني خُدائے سره څومره شيديد محبت کوي، څومره پوخ او ژور محبت کوي، داسې محبت نۀ کوي۔
اخر څۀ فرق دے؟ د مؤمِن بنده د خپل رَبّ سره دومره پوخ محبت ولې دے؟ ٭ مونږه مسلمانان د الله پاک عِبادت کوو نو کافران خو هم د خپلو دروغژنو معبودانو عبادت کوي ٭ مونږه مسلمانان د خپل رَبّ د رضا د پاره مال قُربانوو نو کافران خو هم د خپلو دروغژنو معبودانو د پاره مال خرچ کوي ٭ مونږه مسلمانان که د الله پاک هر حکم منو نو کافران خو هم پۀ خپل باطِل دِين باندې عمل کوي۔ بيا څۀ وجه ده؟ دا ولې وفرمائيلے شو چې کافِران د خپلو دروغژنو معبودانو سره دومره پوخ محبت نۀ کوي لکه څنګه محبت چې مسلمانان د خپل رښتوني خدائے سره کوي؟
مفسرينِ کرامو د دې سوال جواب ورکړے دے او ليکلي يـې دي: غير مسلمه د خپلو دروغژنو معبودانو د پاره هر څۀ کوي خو چې کله پۀ هغوئي باندې څۀ مشکل وخت راشي نو د خپلو دروغژنو معبودانو نه مخونه اړوي۔ پۀ قرآنِ کريم کښې الله پاک فرمائي: