Book Name:Muhabbat e Ilahi Ka Amali Izhar
د شعرونو وئيلو نه پس هٰغه د الله پاک سره محبت کوونکے حاجي پۀ ژړا شو او عرض يـې وکړو: اے الله پاکه! خلقو قُربانۍ وکړې او ستا قُرب يـې حاصل کړو، زما سره خو هيڅ هم نشته کوم چې ستا پۀ لاره کښې قُربان کړم۔ آؤ! دا زما ځان دے، بس زۀ هم دا ستا پۀ بارګاه کښې پيش کووم، تۀ دا قبول کړې۔ د دې وئيلو نه پس هٰغه حاجي يوه چغه ووهله، پۀ زمکه باندې راپريوتو او د هغۀ رُوح د فاني وجود نه پرواز وکړو۔ حضرت مالِک بن دِينار رَحْمَۃُ اللہِ تَعَالٰی عَلَیْہِ فرمائي: بيا د دې سره يو غيبي اواز وشو: دا د الله پاک محبوب دے کوم چې د الله پاک د محبت پۀ توره قتل شوے۔ ([1])
جانتا ہے بارگاہِ حق کے آئین و اُصول؟ دِل کے ٹکڑوں کی یہاں پر نذر ہوتی ہے قبول
صَلُّوا عَلَی الْحَبِیْب! صَلَّی اللہُ تَعَالٰی عَلٰی مُحَمَّد
خوږو او محترمو اِسلامي وروڼو! کاش چې زمونږه هم د الله پاک د محبت پۀ جذبه کښې، د زړۀ د کومي نه، د ذوق او شوق سره د الله پاک پۀ لاره کښې قُرباني پيش کول نصيب شي۔
د الله پاک محبت څۀ ته وئيلے شي؟
خوږو او محترمو اِسلامي وروڼو! قُرباني د الله پاک د محبت عملي اِظهار دے، د الله پاک محبت څۀ ته وئيلے شي؟ راځئ چې پۀ دې هم ځان پوهه کړو: د اعلیٰ حضرت رَحْمَۃُ اللہِ تَعَالٰی عَلَیْہِ والدِ محترم مولانا نقي علي خان رَحْمَۃُ اللہِ تَعَالٰی عَلَیْہِ ليکلي دي: د الله پاک اوچت والے، د هغۀ عظمت، د هغۀ شوق چې پۀ زړۀ کښې دومره پيدا شي چې د هغۀ پۀ ياد کښې د هر څۀ نه بيزاره او د هغۀ پۀ طلب کښې نا قلاره شې، دې حالت ته د الله پاک محبت وئيلے شي۔ ([2]) حُضُور داتا ګنج بخش علي هجويري رَحْمَۃُ اللہِ تَعَالٰی عَلَیْہِ فرمائي: د الله پاک محبت يو خاص صِفت دے، کوم چې د فرمانبرداره مؤمِن پۀ زړۀ کښې ظاهريږي، د دې پۀ وجه بنده د محبوبِ