سُبْحٰنَ اللہ! یہ ہے اَصْل فرمانبرداری...!! حضرت اِبْراہیم  علیہ السَّلام نے جب اللہ پاک کی ایسی کمال فرمانبرداری اِخْتیار کی تو آپ کو اِنْعَام کیا مِلا...؟ اللہ پاک فرماتا ہے:

وَ لَقَدِ اصْطَفَیْنٰهُ فِی الدُّنْیَاۚ-وَ اِنَّهٗ فِی الْاٰخِرَةِ لَمِنَ الصّٰلِحِیْنَ(۱۳۰) (پارہ1،البقرۃ:130)

تَرجَمۂ کَنزالْعِرفَان: اور بیشک ہم نے اُسے دنیا میں چُن لیا اور بیشک وہ آخرت میں ہمارا خاص قُرب پانے والوں میں سے ہے۔

اِس آیت میں اللہ پاک نے حضرت ابراہیم  علیہ السَّلام کی 2بُلند شانیں بیان فرمائی ہیں: (1):اللہ پاک نے دُنیا میں حضرت ابراہیم  علیہ السَّلام کو بہت سِی صِفَات میں چُن لیا *آپ کو نبوت عطا ہوئی *آپ کو رسول بنایا گیا *آپ  علیہ السَّلام  کو اِمامت دِی گئی *حضرت اِبْراہیم  علیہ السَّلام  کے بعد جتنے نبی ہوئے، سب آپ کی اَوْلاد سے ہوئے *حضرت اِبْراہیم  علیہ السَّلام  کو اللہ پاک نے اپنا خَلِیْل بنایا *حضرت اِبْراہیم  علیہ السَّلام  پر ہی اَفْعَالِ حج ظاہِر ہوئے *حضرت اِبْراہیم  علیہ السَّلام  ہی کا بنایا ہوا کعبہ ہمیشہ کے لیے باقِی رکھا گیا *حضرت اِبْراہیم  علیہ السَّلام  ہی کا بسایا ہوا مکہ مُکَرَّمَہ مقامِ اَمَن بنایا گیا*حضرت اِبْراہیم  علیہ السَّلام  ہی کی تمام آسمانی دِین والے تعریف کرتے ہیں *عرب و عَجَم میں حضرت اِبْراہیم  علیہ السَّلام  کے نام کے ڈنکے بَج رہے ہیں، اور دوسری شان یہ کہ (2):حضرت اِبْراہیم  علیہ السَّلام  کو اللہ پاک نے آخرت میں خاص صَالِحِیْن میں رکھا یعنی *قیامت کے دِن خاص تاجِ عظمت آپ  علیہ السَّلام  کے سَر پر رکھا جائے گا *روزِ قیامت حضرت اِبْراہیم  علیہ السَّلام  کو خاص لباس پہنایا جائے گا *آخرت میں سب بےداڑھی ہوں گے، حضرت اِبْراہیم  علیہ السَّلام  کے چہرۂ مبارک پر داڑھی شریف  ہو گی اور *روزِ قیامت حضرت اِبْراہیم  علیہ السَّلام  ہی کے شہزادے اَحمدِ مجتبیٰ، مُحَمَّدِ مُصطفٰے   صَلَّی اللہُ عَلَیْہِ وَ آلِہٖ وَسَلَّم