^([1])  (6): د يو کور يا د يوې کورنۍ پۀ مختلفو کسانو باندې (مثلاً پلار، زوي، ورور، کشر ترۀ، مشر ترۀ وغيره باندې د بيلې بيلې) قربانۍ واجِب کيدو باوجود که د دې ټولو د طرف نه صرف يوه قُرباني (مثلاً چيلے يا ګډ) يا (د غټ څاروي) صرف يوه حصه قُرباني کړے شي نو د يو به هم قُرباني نۀ کيږي۔ ^([2]) (7): که قُرباني يـې د الله پاک د پاره وکړه او د دې ثواب يـې ټولو مسلمانانو (مثلاً خپلو وفات شوو مور پلار، خپلو خپلوانو، بلکې ټول مسلمان اُمت) ته اوبخښو نو قُرباني به صحيح وي او ثواب به ټولو ته رَسي۔ ^([3]) (8): که قُرباني واجِب وه او وه يـې نۀ کړه او د قربانۍ ورځې تيرې شوې نو بيا د څاروي يا د هغې قيمت صدقه کول واجِب دي۔ ^([4]) (نوټ: د دې مسئلې مختلف صورتونه دي، ځکه د ضرورت مطابق د دارُ الافتاء اهلسنت يا د يو عاشقِ رسول ماهر مفتي صاحب نه راهنمائي حاصله کړئ)۔  

آیت مبارک

فَصَلِّ  لِرَبِّکَ وَ انۡحَرۡ ؕ(۲)

  (پارہ:30، سورۀ الکوثر:2)

ترجمهٴ کنزُ العِرفان: تۀ د خپل رَبّ د پاره نـمونځ کوه  او قُرباني کوه۔

پۀ تفسیر نور العرفان کښې دي: د دې آيت نه دوه مسئلې معلومې شوې: (1): قُرباني (يعنې د شرعي طريقې مطابق د مخصوص څاروي وينه توئيول) د اِسلامي شِعَار (يعنې د اِسلام پيژندګلو) ده، د دې پۀ بدله کښې قيمت وغيره نشي ورکولے کيدے۔ (2): قُرباني صرف د مکے مکرمې والؤ يا د حاجيانو د پاره خاص نۀ ده (بلکې په چا کښي  چې شرطونه پوره وي، پۀ هغۀ باندې واجِب ده)۔ ^([5])

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

د چا چې وَس رَسي او بيا هم قُرباني ونکړي، هغۀ دې زمونږ د عيد ګاه خوا ته نۀ راځي۔ ^([6]) پۀ يو حديثِ پاک کښې فرمائي: دوزخ ته به د ټولو نه وړومبے درې کسان ځي، پۀ هغوئي کښې يو هٰغه مالداره وي چې پۀ خپل مال کښې د الله پاک حق (مثلاً زکوٰة، سرسايه او قُرباني وغيره) نۀ ادا کوي۔ ^([7])

د واجِب قربانۍ نۀ کولو پۀ ګناه کښې د اخته کيدو بعضې اسباب

(1): د علمِ دِين کمے (چې بعضې خلق د دِيني معلوماتو د کمي پۀ وجه پۀ غلط انداز کښې قُرباني کوي يا پۀ هغوئي باندې قُرباني واجِب وي او هغوئي ته پته نۀ وي چې پۀ مونږ باندې قُرباني واجِب ده، داسې د واجِب پريښودو پۀ ګناه کښې اخته شي) (2): د مال محبت (3): بے لارې کيدل (يعنې پۀ خرابو نظريو پسې تلل) (4): خراب صحبت (مثلاً د ازاد خياله او لبرل قِسم خلقو پۀ صحبت کښې کيناستل، د هغوئي خبرې اوريدل، پۀ ټي وي چينل يا سوشل ميډيا وغيره باندې د هغوئي پروګرامونه کتل وغيره)۔

د واجِب قربانۍ د نۀ کولو د ګناه نه د بچ کيدو د پاره

* عِلمِ دِين حاصل کړئ! (کم از کم فرض عِلمِ دِين خو خامخا حاصل کړئ ولې چې فرض عِلمِ دِين نۀ زده کول ګناه ده) * د مال محبت د زړۀ نه اوباسئ! * د نيکانو خلقو خاص طور د حضرت ابراهيم