پکښې ډير پۀ شوق او ذوق سره شرکت کولو۔ هٰغه وخت به ډير خلق راجمع کيدل، ځکه به خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د دې موقعې نه فائده اخستله  او د نيکۍ دعوت به يـې ښه ډير کثرت کولو۔ روايت دے چې د نبوت د اِعلان نه پس پۀ وړومبو دريو کالو کښې به خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د اِسلام دعوت پۀ پټه ورکولو، بيا هغوئي ښکاره دعوت شروع کړو۔ رسولِ اکرم صَلَّى اللهُ عَلَيْهِ وَاٰلِهٖ وَسَلَّم تر 10 کالو پورې مسلسل  خلقو ته د نيکۍ دعوت ورکولو، د رسول الله صَلَّى اللهُ عَلَيْهِ وَاٰلِهٖ وَسَلَّم معمول مبارک وو چې هر کال به يـې د حج پۀ موسم کښې د هرې قبيلې خوا له تشريف وړلو، هغوئي ته به يـې د اِسلام دعوت ورکولو او فرمائيل به يـې: تاسو اِسلام قبول کړئ! زۀ تاسو له د جنَّت زيرے درکووم خو افسوس چې چا به هم د نبي کريم صَلَّى اللهُ عَلَيْهِ وَاٰلِهٖ وَسَلَّم پۀ دې دعوت باندې ‌لَبَّيْكَ نۀ وئيلو۔

نبي کريم صَلَّى اللهُ عَلَيْهِ وَاٰلِهٖ وَسَلَّم به د خيمو پۀ مخه باندې تيريدلو، پۀ تيز اواز به يـې وئيل: ‌يَا اَ يُّهَا ‌النَّاسُ!‌قُولُوا لَا اِلَهَ اِلَّا اللَّهُ،تُفْلِحُوا ! اے خلقوٍ۔۔۔!! لَا اِلٰہَ اِلّا اللہ ووايئ۔۔۔!! کاميابي حاصله کړئ۔۔۔!! که دا دعوت قبول کړئ نو د عربو مالِکان به جوړ شي، عَجم به ستاسو ماتحت شي او ستاسو به پۀ جنَّت کښې اوچت مقامات نصيب شي۔ اَبُو لَهَب بد بخته به پۀ هغوئي پسې وروستو وروستو روان وو، نبي کريم صَلَّى اللهُ عَلَيْهِ وَاٰلِهٖ وَسَلَّم به د اِسلام دعوت ورکولو او هغۀ به پۀ تيز اواز وئيل: اے خلقو۔۔۔!! د دۀ خبره مۀ اورئ، دا دروغژن دے. ^([1]) (اَستغفِرُ الله! اَستَغفِرُ الله!)

پیمبر دعوتِ اسلام دینے کو نکلتا تھا                                                    نویدِ راحت و آرام دینے کو نکلتا تھا

نکلتے تھے قریش اِس راہ میں کانٹے بچھانے کو          وجودِ  پاک پر سو سو طرح کے ظُلم ڈھانے کو