اَللہُ اَکْبَر! دا دے شوقِ مصطفٰے، د محبوبِ ذيشان صَلَّى اللهُ عَلَيْهِ وَاٰلِهٖ وَسَلَّم پۀ اُمت باندې رحمت دے چې الله پاک فرمائي: اے محبوبه صَلَّى اللهُ عَلَيْهِ وَاٰلِهٖ وَسَلَّم ! دا غير مسلمه کلمه نۀ وائي، د دوزخ لاره نۀ پريږدي، د جنَّت پۀ لاره باندې نۀ روانيږي، نزدې ده چې تاسو د دوئي پۀ غم کښې خپل ځان ختم کړئ۔

الله! الله! وګورئ! د خوږ محبوب صَلَّى اللهُ عَلَيْهِ وَاٰلِهٖ وَسَلَّم د نيکۍ د دعوت ورکولو او خلق د جنَّت پۀ لاره باندې د روانولو څومره شوق وو۔

وور ته د غورځيدونکو پتنګانو مثال

پۀ يو حديثِ پاک کښې دي، خوږ نبي، ښه نبي، رښتوني نبي، مکي مَدَني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما او د خلقو مثال داسې دے چې مثلاً  يوکَس وور بَل کړو، د هغې خواؤ شاه روښانه شوه، بيا پتنګان او واړه حشرات(خزنده) د دې د رڼا طرف ته پۀ منډه منډه راځي او وور ته پريوځي، هٰغه کَس پتنګان د وور نه منع کوي خو هغوئي نۀ منع کيږي، هم وور ته ورغورځيږي۔ پس زۀ هغۀ يم چې خلق رانيسم  او د وور نه يـې لرې راښکاږم  او خلق دي چې  وور ته ځان غورځوي۔^([1])

خوږو او محترمو اِسلامي وروڼو! دا د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د مبارک زړۀ ښکلے  ارمان دے، هغوئي غواړي چې خلق د دوزخ د لارې نه لرې شي او د جنَّت پۀ لاره باندې روان شي۔ هم دا هٰغه شوق او خواهش دے، د کوم پۀ وجه چې نبي کريم صَلَّى اللهُ عَلَيْهِ وَاٰلِهٖ وَسَلَّم پۀ طائِف کښې د کاڼو ګزارونه هم وخوړل، وجود مبارک يـې پۀ وينو باندې سور هم شو، تر 10 کالو پورې رسول الله صَلَّى اللهُ عَلَيْهِ وَاٰلِهٖ وَسَلَّم  مسلسل د مکې