Book Name:Ayyam e Hajj Aur Tabligh e Mustafa
عام کولو کښې اخته کيدل پکار دي۔
آقا کريم صَلَّى اللهُ عَلَيْهِ وَاٰلِهٖ وَسَلَّم او د دِين د تبليغ شوق
وګورئ چې زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د نيکۍ د دعوت عام کولو څومره شوق او جذبه وه۔ غير مسلمو به ورته تکليفونه رَسَول، هغوئي به صبر کولو او د نيکۍ دعوت به يـې ورکولو، هغوئي به پۀ کاڼو ويشتلو، رسول الله صَلَّى اللهُ عَلَيْهِ وَاٰلِهٖ وَسَلَّم به د نيکۍ د دعوت ګلونه عطا کول، هغوئي به د دوزخ د وور طرف ته تلل، نبي کريم صَلَّى اللهُ عَلَيْهِ وَاٰلِهٖ وَسَلَّم به هغوئي ته د جنَّت لاره ښودله، هغوئي به د ظلمونو نه نۀ قلاريدل، رسول الله صَلَّى اللهُ عَلَيْهِ وَاٰلِهٖ وَسَلَّم به د نيکۍ د دعوت کار نۀ بندولو۔ د رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم هٰغه تاريخي جمله هم ياده کړئ! نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: که دا خلق زما پۀ ښي لاس باندې نمر او پۀ بَل لاس باندې سپوږمۍ هم کيږدي، نو بيا هم زۀ دا کار هيڅکله هم نۀ پريږدم۔([1])
بيا د شِعبِ اَبِي طالِب واقعه هم راياده کړئ! خوږ محبوب صَلَّى اللهُ عَلَيْهِ وَاٰلِهٖ وَسَلَّم به چې د نيکۍ دعوت عام کولو نو د غير مسلمو به پۀ دې باندې زړۀ تنګيدلو، اخر هغوئي پۀ شريکه د رسول الله صَلَّى اللهُ عَلَيْهِ وَاٰلِهٖ وَسَلَّم نه او د هغوئي د ملاتړ کوونکو نه سوشل بائيکاټ وکړو۔ نبي کريم صَلَّى اللهُ عَلَيْهِ وَاٰلِهٖ وَسَلَّم ، د هغوئي کلمه لوستونکو او د هغوئي خاندان والؤ درې کاله پۀ شِعبِ اَبِي طالِب (يعنې د دوو غرونو ترمينځه پۀ دره) کښې تير کړل۔ کافرانو به خوراک څښاک وغيره هيڅ هم دغلته د وړلو د پاره نۀ پريښودلو۔ بيا حالت داسي شو چې پۀ شِعبِ ابي طالِب کښې پۀ موجودو مسلمانانو باندې لوږه غالبه شوه، ماشومانو د لوږې د لاسه ژړل، چغې به يـې وهلې، دې کافرانو چې به د وړو ماشومانو چغې سورې اوريدلې