Book Name:Madine Mein Marne Ke Fazail
ځائے موندلو د پاره د 70 کالو نه زياته موده انتظار وکړو، مشکلات راغلل، صبر يـې کولو، د خپلو نه لرې، د خوئيندو وروڼو نه لرې پۀ مدينه منوره کښې اوسيدلو چې خواهش يـې وو نو صرف دومره چې پۀ بقيعِ پاک کښې يـې دفن کيدل نصيب شي، محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم يـې څنګه خيال وساتلو، څنګه کرم يـې وکړو، عاشقِ صادق يـې پۀ خپلو ښپو کښې قبول هم کړو نو پۀ کوم شان سره۔۔۔!! سُبْحٰنَ اللہ! جنازه مبارکه څنګه مُواجَهَه شريف ته پيش کړے کيږي، کله ښپو مبارکو ته حاضريږي، اخر د درود او سلام پۀ اوازونو کښې د اهلِ بيت پاک پۀ ښپو کښې د ارام د پاره ځائے نصيب شو۔ الله پاک دې زمونږه هم داسې سعادت نصيب کړي، کاش چې ټول عمر مدينے منورې ته تلل راتلل نصيب شي، کاش! ډير کاش چې کله اخري وخت راشي نو د ګنبدِ خضرا شريف سورے وي، شنې جنګلې مخې ته وي، پۀ کلمه لوستلو او پۀ شونډو باندې درودِ پاک وي او د دُنيا نه رخصت شو۔
یُوں مجھ کو موت آئے تو کیا پوچھنا مرا میں خاک پر، نگاہ درِ یار کی طرف
کعبے کے صدقے، دِل کی تمنّا مگر یہ ہے مَرنے کے وقت مُنہ ہو درِ یار کی طرف
اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
د مدينے منورې يو ځانګړے شان
خوږو او محترمو اِسلامي وروڼو! غور وکړئ چې مدينه منوره څومره ځانګړے ښار دے۔۔۔؟ اوس ما د يو عاشقِ رسول د وفات ذِکر وکړو، پۀ دې باندې سُبْحٰنَ اللہ! وئيلے کيږي۔ دا خو د الله پاک د وَلي، د ډير لوئي عاشقِ رسول سيدي قُطبِ مدينه رَحْمَةُ اللهِ عَلَيْه ذِکر وو، څوک عام انسان که عاشقِ رسول وي او مونږ ته ووئيلے شي چې فلانکے مدينے منورې ته تلے وو او هلته وفات شو، پۀ خوښه يا بے اختياره به زمونږه د خُلې نه سُبْحٰنَ اللہ! ووځي۔ مونږ به پۀ هغۀ باندې رَشک کوو۔