ګاؤنډي سره د خپلې خور لور د واده د پاره د سامان وغيره اخستو د پاره پيسې نشته نو د دي بندوبست کول * که ګاؤنډي بيمار دے او علاج نشي کولے نو د هغۀ عِلاج کول وغيره۔ نبي کريم، رؤوف الرحيم صَلَّى اللهُ عَلَيْهِ وَاٰلِهٖ وَسَلَّم فرمائيلي دي: څوک چې پۀ الله او پۀ اخرت باندې ايمان لري، هغۀ له پکار دي چې پۀ ګاؤنډي باندې اِحسان وکړي۔ ^([1])

        دويم حق: تکليف نۀ ورکول

وضاحت: دا خيال ساتل چې زمونږ د طرف نه ګاؤنډي ته هيڅ قِسمه تکليف اونۀ رَسي، نۀ د لاس نه، نۀ د ژبې نه، نۀ د کردار نه۔ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ بارګاه کښې عرض وکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! فلانکۍ زنانه د ورځې روژه نيسي، د شپې قيام کوي (نـمونځونه کوي) او خپلو ګاؤنډيانو ته تکليف هم رسوي۔ نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: هٰغه (زنانه) دوزخي ده۔ ^([2])

مختصر شرح: يعنې ګاؤنډيانو له تکليف ورکول د دوزخيانو والا کار دے، که دا زنانه د خپل کار نه توبه اونه کړي (د ګاؤنډيانو نه معافي اونه غواړي) نو دوزخ ته به ځي، د دې نفلونه به پۀ کار نۀ راځي ولې چې پۀ نفلونو باندې د خلقو حقونه نۀ معاف کيږي۔ ^([3])

دريم حق: جنازې ته حاضريدل

وضاحت: خدائے دې نکړي که ګاؤنډي يا د هغۀ څوک خپل وفات شي نو د هغۀ پۀ غم کښې مکمل شرکت کول، د غسل، کفن نه واخله تر د دفن کيدو پورې چې پۀ کومه معامله کښې هغۀ ته زمونږه ضرورت وي نو هغه پوره کول پکار دي! ياد ساتئ چې جنازه فرضِ کفايه ده (که يو څو کسانو وکړه نو د ټولو فرض ادا شو، که چا هم ونکړه نو څوک څوک چې خبر شوي وو، هغوئي ګنهګاران شول) ^([4]) جنازه کول او د دفن کولو د