ګاؤنډي وئيلے شي۔ ^([1]) علمائے کرام فرمائي: د هر طرف نه تر 40 کورونو پورې ګاؤنډ دے يعنې د کور ښي اړخ، ګڅ اړخ، مخې او شاته 40، 40 کورونه ګاؤنډيان دي۔ ^([2]) که پۀ فليټ وغيره کښې اوسيږي نو بيا به ښکته او لاندې کورونه هم پۀ ګاؤنډ کښې شامل وي۔

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ الله پاک مې دې قَسم وي هغۀ به جنَّت ته نۀ ځي د چا د شَر نه چې د هغۀ ګاؤنډي محفوظ نۀ وي۔ ^([3])

د ګاؤنډي درې حقونه

ګاؤنډي که نيک وي او که ګنهګار، دوست وي او که دښمن، پۀ مونږ باندې د هغۀ ډير حقونه دي۔ پۀ کومو کښې چې درې اهم حقونه مونږه زده کړي دي او درې به نن زده کوو۔ راځئ چې وړومبے زده کړے شوي حقونه راياد کړو: (1): د ګاؤنډي ضرورت پوره کول (2): که بيمار وي نو تپوس پوښتنه يـې کول (3): غَم خَواري کول۔

 نور درې حقونه کوم چې به نن زده کوو:

وړومبے حق: اِحسان کول

وضاحت: بغير د څۀ بدل نه نيکۍ کولو ته اِحسان وئيلے شي۔ ^([4]) يعنې د مخامخ کَس نه د مننې کولو او د بدل وغيره د طمعې ساتلو نه بغير صرف او صرف د الله پاک د رضا د پاره د چا سره نيکۍ او ښيګړې کولو ته اِحسان وئيلے شي۔ مثلاً * د ګاؤنډي لاس تنګ دے، پۀ خپلو بچو باندې ښه تعليم نشي کولے نو د هغۀ پۀ بچو باندې ښه تعليم کول * د