سامان ګاؤنډي ته ضرورت پيښ شي مثلاً بعضې وخت واورۀ، يخې اوبه يا د ايمرجنسي شکل کښې وړۀ وغيره اخستو د پاره راځي، داسې قِسمه ضرورت پوره کول * که د هغۀ پيسو ته ضرورت شي نو د وَس مطابق د هغۀ مدد کول وغيره۔ او که ګاؤنډي ته زمونږه د مدد ضرورت وي، خو هغۀ حيا کوي او مونږ ته نۀ وائي، نو بيا هم زمونږه اخلاقي حق جوړيږي چې د خپل ګاؤنډي اِحساس وکړو او د هغۀ هر قِسمه مدد وکړو۔

        دويم حق: تپوس پوښتنه کول

وضاحت: د بيمار تپوس (يعنې د حال، طبيعت) پوښتنه کول تپوس دے۔ ^([1]) تپوس کول زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ښکلي سُنَّت دي۔ ^([2]) * که زمونږه ګاؤنډي بيمار شي نو د هغۀ کور ته پۀ تللو سره دې د هغۀ تپوس وکړے شي * د بيمارۍ پۀ علاج کښې دې د هغۀ ملګرتيا وکړے شي * که هغۀ ته څوک خوراک ورکولو والا نۀ وي نو هغۀ ته دې خوراک ورکړے شي * د هغۀ د شِفا د پاره دې دُعا وکړے شي * د هغۀ د کور پۀ کارونو کښې دې د هغۀ مدد وکړے شي۔ پۀ حديثِ پاک کښې دي: د ګاؤنډي پۀ حقونو کښې دي چې کله هغۀ بيمار شي نو د هغۀ تپوس کوه۔۔۔!! ^([3])

 دريم حق: غم خوري

وضاحت: پۀ غم درد کښې شريکيدلو ته غم خوري وائي۔ ^([4]) يعنې ګاؤنډي ته که څۀ مصيبت پيښ شي مثلاً * د هغۀ څوک عزيز وفات شي * څۀ څيز ترينه ورک شي     * څۀ نقصان يـې وشي * کاروبار يـې بند شي * غرض دا چې هر قِسمه مصيبت پرې راشي، د هغۀ سره اوګه پۀ اوګه ودريدل، تسلي ورکول، د هغۀ د نقصان پوره کولو پوره کوشش کول دا ټوله غم خوري ده۔