يعنې د کور ښي اړخ، ګڅ اړخ، مخې او شاته 40، 40 کورونه ګاؤنډيان دي۔ ^([1]) که پۀ فليټ وغيره کښې اوسيږي نو بيا به ښکته او لاندې کورونه هم پۀ ګاؤنډ کښې شامل وي۔

د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم درې کرته وفرمائيل: پۀ الله پاک مې دې قَسم وي۔۔۔!! هٰغه بنده مؤمِن نۀ دے، پۀ الله پاک مې دې قَسم وي۔۔۔!! هٰغه بنده مؤمِن نۀ دے، پۀ الله پاک مې دې قَسم وي۔۔۔!! هٰغه بنده مؤمِن نۀ دے۔ عرض وکړے شو: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! څوک مؤمِن نۀ دے؟ اوئې فرمائيل: د چا د شَر نه چې د هغۀ ګاؤنډي محفوظ نۀ وي۔ ^([2])

يعنې څوک چې ګاؤنډي ته تکليف رسوي، د هغۀ حقونه خوري، د هغۀ ايمان کامِل نۀ دے، ناقِص دے۔ ^([3])

د ګاؤنډي درې حقونه

ګاؤنډي که نيک وي او که ګنهګار، دوست وي او که دښمن، پۀ مونږ باندې د هغۀ ډير حقونه دي۔ پۀ کومو کښې چې به نن مونږه درې زده کوو۔

     وړومبے حق: حاجت پوره کول

وضاحت: د ګاؤنډي پۀ حقونو کښې دي چې که هغۀ پۀ خپل حاجت کښې مدد وغواړي نو د هغۀ مدد دې وکړے شي، لکه: * عام طور د غم ښادۍ وغيره پۀ موقع باندې د کټ، بسترې يا د خپلو ميلمنو د کښيناستو د پاره بيټګ وغيره غواړي، زمونږه ګاؤنډي که چرې زمونږ نه داسې قِسمه مدد وغواړي * پۀ کور کښې د اِستعماليدونکي ضروري