د زده کولو او ښودلو د حلقو جدول

(1): پۀ مختلفو موضوعاتو باندې مختصر بيان: 5 منټه (2): دُعا یادول: 5 منټه (3): [د خپلو اعمالو] جائزه: 5 منټه، ټول وخت: 15 منټه۔

نن به د زده کولو او ښودلو پۀ حلقو کښې د مسلمانانو درې حقونه ښودلے شي او د يو قوم نه د خطرې پۀ وخت لوستلے کيدونکې دُعا به يادولے شي۔ پۀ اخره کښې به د نيک اعمال رسالې نه اِجتماعي جائزه هم اخستے کيږي۔  اِنْ شَآءَ اللہُ الْکَرِیم!

د دُرُود شريف فضيلت

د اخري نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمان مبارک دے: څوک چې پۀ ما باندې يو ځل دُرُودِ پاک ولولي الله پاک پۀ هغۀ باندې لس رحمتونه ليږي۔ ^([1])

صَلُّوا عَلَی الْحَبِیب            صَلَّی اللهُ علٰی مُحَمَّد

د ګاؤنډي درې حقونه

آيت مبارک

الله پاک فرمائيلي دي:

وَ الْجَارِ ذِی الْقُرْبٰى وَ الْجَارِ الْجُنُبِ (پارہ:5،النساء :36)

ترجمهٴ کنزُ العِرفان: او نزدې ګاؤنډيانو او د لرې ګاؤنډيانو (سره ښه سلوک کوئ)۔

ګاؤنډيان پۀ دوه قِسمه دي (1): څوک چې زمونږ پۀ خوا کښې اوسيږي، هغۀ ته نزدې ګاؤنډي وئيلے شي۔ (2): څوک چې زمونږ نه پۀ لږه فاصله باندې اوسيږي، هغۀ ته لرې ګاؤنډي وئيلے شي۔ ^([2]) علمائے کرام فرمائي: د هر طرف نه تر 40 کورونو پورې ګاؤنډ دے