Yaqeen Ki Barkatain

Al Quran Books Madani Channel

Magazine Courses Media

خاموش رہے۔ حضرت ہَاجرہ رَحمۃُ اللہِ علیہا نے تیسری مرتبہ پوچھا اور اب سُوال کو ذَرا تبدیل کر کے عرض کیا: آللہُ اَمَرَکَ بِہٰذَا یعنی اے اللہ کے نبی عَلَیْہ ِالسَّلام ! کیا اللہ پاک نے آپ کو اس کا حُکم دیا ہے؟ فرمایا: ہاں! اللہ پاک کا حُکم ہے۔

اب یقین دیکھئے! اِیمان کی پختگی دیکھئے! بےآباد وَادِی ہے*نہ پانی ہے*نہ کھانا ہے*نہ کوئی انسان ہے*نہ کوئی پرندہ ہی یہاں پَر مارتا ہے اور ساتھ میں ننھا شہزادہ بھی ہے، اس کے باوُجُود حضرت ہَاجرہ رَحمۃُ اللہِ علیہا نے بڑے یقین اور اِطْمِینان کے ساتھ کہا: اِذًا لَا یُضَیِّعُنَا اللہُ یعنی اے اللہ پاک کے نبی عَلَیْہ ِالسَّلام ! اگر یہ اللہ پاک کا حکم ہے، پِھر تو آپ خَیر سے جائیے! اللہ پاک ہمیں ہر گز ضائع نہیں فرمائے گا۔^{(^[1])}

پیارے اسلامی بھائیو! غور کرنے کی بات ہے، بےآباد عَلاقہ ہے، دُور دُور تک زندگی کا نام و نشان نہیں ہے، ظاہِر میں کوئی ایسی چیز نہیں ہے جس پر بھروسہ کیا جا سکے...!لیکن اللہ پاک پر اِیمان ہے*وہ رَبِّ رحمٰن قُدرتوں والا ہے*اللہ وہ ہے جو مُردَے سے زندہ نکال سکتا ہے*اللہ پاک وہ ہے جو رات کو دِن اور دِن کو رات بناتا ہے*اللہ پاک وہ ہے جو بَنجَر زمین کو سرسبز و شاداب بنا دیتا ہے*اللہ پاک وہ ہے جو صحرا میں بھی چشمے جاری فرما دیتا ہے، لہٰذا صِرْف اللہ پاک پر یقین ہے*کیا ہوا جو یہاں پانی نہیں ہے؟وہ رَبّ پانی عَطا فرمانے والا ہے*کیا ہوا جو یہاں کھانے کو کچھ نہیں ہے، رَبِّ کریم رِزْق دینے والا ہے، *کیا ہوا جو یہاں زندگی کے آثار نظر نہیں آتے، رَبِّ کریم کھنڈرات کو آباد فرما دینے والا ہے، لہٰذا اللہ پاک کے نبی عَلَیْہ ِالسَّلام ! آپ خیر سے جائیے! جب رَبّ کا حُکم ہے کہ ہم یہاں رہیں تو ہم یہیں رہیں گے، اللہ پاک ہمیں ضائع نہیں فرمائے گا۔

[1]... بخاری، کتاب احادیث الانبیا، باب یَزِفُّونَ...الخ، صفحہ:858، حدیث:3364۔

Important

Mobile Apps

Contact Us