Qabron Ke Androni Halat

مجھے دونوں جہاں کے غم سے بچا شاد رکھ شاد دائما یاربّ!^{(^[1])}

منقول ہے: قبر روزانہ 7مرتبہ پُکارتی اور یہ اعلان کرتی ہے: *اے کمزور آدمی! مجھ میں پہنچنے سے پہلے، اسی دُنیا کی زندگی میں خود پر رحم کر لے! بےشک جب تُو مجھ میں پہنچے گا تو اگر تُو اپنے رَبّ کا فرمانبردار ہوا تو میں تجھ پر رحم کروں گی، تُو مجھ میں خوشی دیکھے گا اور اگر تُو نے خود پر رحم نہ کیا، میں بھی تجھ پر رحم نہ کروں گی * (اے کمزور انسان!) *میں کیڑوں مکوڑوں کا گھر ہوں اور اس کے ساتھ لمبے عرصے تک شرمندگی بھی ہے *میں وحشت و تنہائی کا گھر ہوں، اس کے ساتھ شِدَّت و سختی بھی ہے *میں پیاس کا گھر ہوں، اس کے ساتھ ہولناک اندھیرا بھی ہے *میں تنگی کا گھر ہوں، اس کے ساتھ خوفناک بِچھّو بھی ہیں۔ *اے اِبْنِ آدم! خبر دار! تجھے دُنیا کی زندگی دھوکے میں نہ ڈالے! بےشک تجھے مجھ میں آنا ہے*میں آخرت کی منزلوں میں پہلی منزل ہوں، اگر تُو نے مجھ سے نِجات پا لی تو ہر خوفناک مرحلے سے نِجات پا لو گے۔ *اے اِبْنِ آدم! میں غَضب کا مَقام ہوں *میں کسی جوان کی جوانی پر*کسی چھوٹے کے چھوٹا ہونے پر اور کسی بُوڑھے کے بُڑھاپے پر رحم نہیں کرتی۔ ہاں! ہاں! میں اس پر رحم نہیں کرتی جو خُود اپنے حال پر رحم نہیں کرتا۔^{(^[2])}

قبر روزانہ یہ کرتی ہے پکار مجھ میں ہیں کیڑے مکوڑے بیشمار

یاد رکھ میں ہوں اندھیری کوٹھڑی تجھ کو ہوگی مجھ میں سُن وَحشت بڑی

میرے اندر تُو اکیلا آئے گا ہاں مگر اعمال لیتا آئے گا

[1]...ذوقِ نعت، صفحہ:86 ملتقطًا۔

[2]... بُستان الواعظین، عظۃ للنبی، صفحہ:154۔

Important

Mobile Apps

Contact Us